У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Лют 2020

Місія МАГАТЭ па ацэнцы інфраструктуры ядзернай энергетыкі пачала работу ў Беларусі

Місія МАГАТЭ па ацэнцы інфраструктуры ядзернай энергетыкі пачала работу ў Беларусі
Фота Мiнэнерга

24 лютага, Мінск /Кар. БЕЛТА/. Беларусь прымае місію Міжнароднага агенцтва па атамнай энергіі па комплекснай ацэнцы развіцця нацыянальнай інфраструктуры ядзернай энергетыкі (INIR 3), паведаміла карэспандэнту БЕЛТА прэс-сакратар Міністэрства энергетыкі Беларусі Жанна Зянькевіч.

З 24 лютага па 4 сакавіка эксперты МАГАТЭ будуць аналізаваць інфраструктуру па ўсіх 19 напрамках яе развіцця, абазначаных у дакуменце агенцтва для краін-навічкоў у сферы ядзернай энергетыкі - Milestones ("вехі").

Эксперты будуць разглядаць такія напрамкі, як падрыхтоўка кадраў у сферы ядзернай энергетыкі, кіраванне аварыямі і гатоўнасць да аварыйных сітуацый і рэагаванне на іх, работа з грамадскасцю, абыходжанне з радыеактыўнымі адходамі і адпрацаваным ядзерным палівам, радыяцыйная бяспека, заканадаўчая база, дзяржаўная палітыка ў галіне ядзернай энергетыкі і іншыя.

Удзел у мерапрыемствах місіі INIR 3 прымаюць прадстаўнікі Міністэрства энергетыкі, МНС, МЗС, Мінпрыроды, Мінадукацыі, Аб'яднанага інстытута энергетычных і ядзерных даследаванняў - Сосны НАН Беларусі, ДВА "Белэнерга", дзяржаўнага прадпрыемства "Беларуская АЭС" і іншых.

У час місіі эксперты МАГАТЭ разгледзяць падрыхтаваную беларускім бокам справаздачу аб развіцці ўсіх напрамкаў ядзернай інфраструктуры, пройдуць нарады ў фармаце інтэрв'ю з беларускімі экспертамі па кожным з гэтых напрамкаў. "На падставе атрыманых даных і інфармацыі групай экспертаў МАГАТЭ будзе падрыхтавана адпаведная справаздача па выніках місіі", - дадалі ў Мінэнерга.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральным падрадчыкам выступае інжынірынгавы дывізіён дзяржкарпарацыі "Расатам" (АБЭ). Увод першага энергаблока запланаваны ў 2020 годзе, другога - у 2021-м.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс