Падзеі

Моластаў: Беларусь завяршыла работы па дэмаркацыі сухапутнай граніцы з Украінай

Фота з архiва

12 лістапада, Мінск /Кар. БЕЛТА/. Беларусь завяршыла работы па дэмаркацыі на сухапутным участку граніцы з Украінай. Аб гэтым журналістам заявіў старшыня Дзяржаўнага пагранічнага камітэта Канстанцін Моластаў, перадае карэспандэнт БЕЛТА.

"Сур'ёзную ўвагу ўдзяляем прадаўжэнню дэмаркацыі дзяржаўнай граніцы на ўкраінскім участку. На сённяшні дзень намі выкананы работы па дэмаркацыі на ўсім сухапутным участку. Застаўся толькі рачны ўчастак граніцы, які праходзіць па рэках Днепр і Сож", - сказаў Канстанцін Моластаў.

Акрамя таго, адзначыў кіраўнік пагранічнага ведамства, вялікая ўвага ўдзяляецца берагаўмацаванню. Умацаванне датычыцца ў першую чаргу ракі Заходні Буг на польскім напрамку. "Мерапрыемствы мы праводзім у тым ліку за кошт магчымасцей Саюзнай дзяржавы", -дадаў старшыня ДПК.

Пры гэтым, падкрэсліў ён, сваю аператыўна-службовую дзейнасць пагранічнікі будуюць на аснове рашэння кіраўніка дзяржавы, якое было зацверджана ў студзені бягучага года. "Акцэнты мы расстаўляем зыходзячы з напрамкаў участкаў адказнасці дзяржаўнай граніцы", - рэзюмаваў Канстанцін Моластаў.

версія для друку

зрабіць стартавай

дабавіць у выбранае