Падзеі
Міністр замежных спраў КНР з афіцыйным візітам наведае Беларусь
7 красавіка, Мінск /Аліна Грышкевіч - БЕЛТА/. Міністр замежных спраў Кітайскай Народнай Рэспублікі Ван І 8-9 красавіка з афіцыйным візітам наведае Беларусь, паведамілі БЕЛТА ў прэс-службе МЗС Беларусі.
Як плануецца, 8 красавіка адбудуцца перагаворы з Ван І кіраўніка беларускага знешнепалітычнага ведамства Уладзіміра Макея.
Дыпламатычныя адносіны паміж Рэспублікай Беларусь і Кітайскай Народнай Рэспублікай ўстаноўлены 20 студзеня 1992 года. У гэтым жа годзе ў Мінску было адкрыта пасольства КНР, а з 1993 года беларускія дыпламаты сталі працаваць у Пекіне. Развіццё адносін з Кітаем - прыярытэтны напрамак знешняй палітыкі Беларусі. Бакі рэгулярна абменьваюцца візітамі на вышэйшым і высокім узроўнях, ажыццяўляецца актыўны міжпарламенцкі дыялог, дынамічна развіваюцца міжведамасныя беларуска-кітайскія кантакты.
версія для друку
зрабіць стартавай
дабавіць у выбранае