VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

23 Стд 2020

Мінск рыхтуецца да візіту Пампеа - намеснік кіраўніка МЗС сустрэўся з часовай паверанай у справах ЗША

Мінск рыхтуецца да візіту Пампеа - намеснік кіраўніка МЗС сустрэўся з часовай паверанай у справах ЗША
Алег Краўчанка і Джэніфер Мур. Фота МЗС

23 студзеня, Мінск /Кар. БЕЛТА/. Намеснік міністра замежных спраў Алег Краўчанка сустрэўся з часовай паверанай у справах ЗША ў Беларусі Джэніфер Мур. Аб гэтым БЕЛТА паведамілі ў прэс-службе МЗС.
 
"Абмеркаваны пытанні развіцця беларуска-амерыканскіх адносін з улікам маючых адбыцца двухбаковых мерапрыемстваў", - адзначылі ў беларускім знешнепалітычным ведамстве.
 
Як паведамлялася, на 1 лютага запланаваны візіт у Мінск дзяржаўнага сакратара ЗША Майкла Пампеа. Раней яго рабочы візіт у Беларусь планаваўся на 4 студзеня бягучага года, але быў перанесены ў сувязі з сітуацыяй вакол пасольства ЗША ў Іраку і далейшымі падзеямі. Былі прадугледжаны перагаворы на вышэйшым узроўні, сустрэча з міністрам замежных спраў Уладзімірам Макеем і іншыя мерапрыемствы. Бакі мелі намер абмеркаваць увесь спектр пытанняў беларуска-амерыканскіх адносін і рэгіянальную бяспеку.
 
Уладзімір Макей і Майкл Пампеа 6 студзеня правялі тэлефонную размову. У час гутаркі кіраўнік знешнепалітычнага ведамства ЗША растлумачыў прычыны пераносу тэрміну свайго візіту ў Беларусь. З беларускага боку была пацверджана гатоўнасць прыняць дзяржаўнага сакратара ЗША з візітам ва ўзаемапрымальныя даты, адзначана важнасць адкрытага абмену думкамі па пытаннях развіцця двухбаковых адносін, сітуацыі ў рэгіёне і свеце ў цэлым.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход