Падзеі

Мін Аун Хлайн запрасіў наглядальнікаў з Беларусі на наступную выбарчую кампанію ў М'янме

Фота з архiва

7 сакавіка, Мінск /Кар. БЕЛТА/. Старшыня Дзяржаўнага адміністрацыйнага савета, прэм'ер-міністр Рэспублікі Саюз М'янма Мін Аун Хлайн запрасіў наглядальнікаў з Беларусі прыняць удзел у назіранні за наступнымі выбарамі ў М'янме. Аб гэтым ён заявіў журналістам 7 сакавіка па выніках перагавораў з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Паводле яго слоў, правядзенне электаральнай кампаніі плануецца на канец 2025 - пачатак 2026 года.

Мін Аун Хлайн таксама павіншаваў Аляксандра Лукашэнку з пераканаўчай перамогай на нядаўніх прэзідэнцкіх выбарах. Прадстаўнікі М'янмы былі ў ліку міжнародных наглядальнікаў у час гэтай выбарчай кампаніі. Прэм'ер-міністр падкрэсліў, што Беларусь пад кіраўніцтвам Аляксандра Лукашэнкі дынамічна і эфектыўна развіваецца, і выказаў надзею на тое, што лідары дзвюх краін сустрэнуцца ў М'янме ў час візіту кіраўніка беларускай дзяржавы.

версія для друку

зрабіць стартавай

дабавіць у выбранае