VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

23 Жнв 2018

Мясніковіч абмеркаваў з Румасам перспектывы планавання бюджэту на 2019-2020 гады

23 жніўня, Мінск /Кар. БЕЛТА/. Старшыня Савета Рэспублікі Міхаіл Мясніковіч абмеркаваў з прэм'ер-міністрам Сяргеем Румасам перспектывы планавання бюджэту на 2019-2020 гады. Аб гэтым сёння кіраўнік верхняй палаты парламента паведаміў на пасяджэнні беларускай часткі арганізацыйнага камітэта па пытаннях падрыхтоўкі і правядзення V Форуму рэгіёнаў Беларусі і Расіі, перадае карэспандэнт БЕЛТА.

Савет Рэспублікі ініцыіруе пераход на двухбаковае планаванне прагнозу сацыяльна-эканамічнага развіцця і бюджэту краіны. Міхаіл Мясніковіч адзначыў, што гэта пытанне ён абмеркаваў з новым кіраўніком урада Сяргеем Румасам. На думку спікера, работу над прагнозам і бюджэтам лепш весці ў разліку на 2019-2020 гады. "Або, прынамсі, каб 2019 год быў распісаны паартыкульна, а 2020-ы - па асноўных напрамках", - растлумачыў ён.

У час сённяшняга пасяджэння аргкамітэта абмяркоўваліся ўзровень гатоўнасці мерапрыемстваў V Форуму рэгіёнаў Беларусі і Расіі, у тым ліку пленарнага пасяджэння, а таксама падагульняючага дакумента. У першай палове верасня ў Магілёве збяруцца беларуская і расійская часткі аргкамітэта.

V Форум рэгіёнаў Беларусі і Расіі адбудзецца ў Магілёве 11-12 кастрычніка. Арганізатарам выступаюць Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі пры садзейнічанні Магілёўскага аблвыканкама. Чакаецца ўдзел амаль 2 тыс. чалавек. Галоўнай падзеяй форуму стане пленарнае пасяджэнне на тэму "Прыярытэтныя напрамкі развіцця рэгіянальнага супрацоўніцтва як ключавога фактару інтэграцыі і саюзнага будаўніцтва". Плануецца, што ў ім прымуць удзел кіраўнікі дзяржаў. Секцыі пройдуць па асноўных напрамках: аграрная палітыка, уніфікацыя і гарманізацыя заканадаўстваў, лічбавая эканоміка, маладзёжная палітыка, міжнародная дзейнасць і эканамічная бяспека. Важным элементам праграмы будучага форуму стане яе дзелавая частка - пасяджэнне Савета дзелавога супрацоўніцтва, бізнес-сустрэчы і дзелавыя перагаворы, у якіх прымуць удзел кіраўнікі кампаній і прадпрыемстваў дзвюх краін.

У час форуму традыцыйна пройдзе пасяджэнне міжпарламенцкай камісіі Савета Рэспублікі і Савета Федэрацыі па міжрэгіянальным супрацоўніцтве. Будуць абмеркаваны перспектывы ўмацавання міжпарламенцкіх сувязей, а таксама роля парламенцкага вымярэння ў развіцці беларуска-расійскіх адносін.

Пройдуць Тыдзень інтэграцыі і супрацоўніцтва, маладзёжны форум, злёт студэнцкіх атрадаў, спартакіяда Саюзнай дзяржавы для дзяцей і юнацтва, турнір па хакеі з шайбай Спартакіяды Саюзнай дзяржавы для дзяцей і юнацтва, сумеснае пасяджэнне саюзаў жанчын Магілёўскай і Тульскай абласцей і іншыя мерапрыемствы.

У дні форуму будзе працаваць выстаўка-кірмаш рамёстваў, дзе сваю прадукцыю прадставяць майстры дэкаратыўна-прыкладнога мастацтва і фальклорныя аматарскія калектывы Беларусі і Расіі. У час нацыянальных святочных экспазіцый пройдуць майстар-класы, выстаўкі-продажы вырабаў мастацкіх рамёстваў, народныя атракцыёны, фальклорныя гульнявыя праграмы з удзелам аматарскіх калектываў, дэгустацыя нацыянальных страў, спаборніцтвы і іншыя мерапрыемствы. На працягу ўсіх дзён работы выстаўкі-кірмашу будзе арганізавана канцэртная праграма "Садружнасць культур - садружнасць народаў" з удзелам аматарскіх калектываў Беларусі і Расіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход