У Беларусь без візы на 30 дзён
Афіцыйны сайт Рэспублікі Беларусь
Арына Пехцерава прадстаўляе Беларусь на дзіцячым
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

15 Ліс 2017

Мацюшэўскі абмеркаваў у Сінгапуры развіццё палітычнага і эканамічнага супрацоўніцтва з Беларуссю

15 лістапада, Мінск /Кар. БЕЛТА/. Першы намеснік прэм'ер-міністра Васіль Мацюшэўскі ў ходзе рабочага візіту правёў шэраг сустрэч з прадстаўнікамі дзяржорганаў Сінгапура. Такая інфармацыя размешчана на сайце ўрада, паведамляе БЕЛТА.

Адбыліся сустрэчы Васіля Мацюшэўскага са старшым дзяржаўным міністрам Міністэрства фінансаў і Міністэрства юстыцыі Сінгапура Індрані Раджа, намеснікам прэм'ер-міністра - каардынуючым міністрам эканамічнай і сацыяльнай палітыкі Тарманам Шанмугаратнамам і старшым дзяржаўным міністрам Міністэрства гандлю і прамысловасці, Міністэрства нацыянальнага развіцця Ко По Кунам.

Бакі абмеркавалі актуальныя пытанні супрацоўніцтва Беларусі і Сінгапура ў палітычнай, гандлёва-эканамічнай, крэдытна-інвестыцыйнай і навукова-тэхнічнай сферах, напрамкі развіцця дагаворна-прававой базы.

У склад беларускай дэлегацыі, якая наведвае Сінгапур 13-15 лістапада, увайшлі прадстаўнікі Міністэрства фінансаў, Нацыянальнага банка, Нацыянальнага агенцтва інвестыцый і прыватызацыі, адміністрацыі Кітайска-беларускага індустрыяльнага парка "Вялікі камень", Белінвестбанка, а таксама беларускіх дзелавых колаў.

Беларуская дэлегацыя на чале з Васілём Мацюшэўскім прыняла ўдзел у інвестыцыйным форуме Belarus Calling Asia. Азіяцкім партнёрам прадстаўлена фінансавая сістэма, эканамічны, інтэлектуальны, тэхналагічны і інвестыцыйны патэнцыял Беларусі. Абмеркаваны пытанні ўстанаўлення супрацоўніцтва паміж беларускімі і азіяцкімі кампаніямі, зацікаўленасць рэгіянальных інвестараў у размяшчэнні беларускіх даўгавых інструментаў на азіяцкіх фондавых рынках. Падпісаны шэраг дакументаў аб развіцці супрацоўніцтва паміж беларускімі і кітайскімі партнёрамі, у тым ліку па нарошчванні экспарту беларускіх тавараў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі