У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

22 Крс 2016

Макей у Генасамблеі ААН прапанаваў прынцыпы хутчэйшага дасягнення мэт устойлівага развіцця

22 красавіка, Мінск /Кар. БЕЛТА/. Міністр замежных спраў Беларусі Уладзімір Макей 21 красавіка прыняў удзел у пасяджэнні высокага ўзроўню Генеральнай Асамблеі ААН у Нью-Ёрку, дзе прапанаваў прынцыпы хутчэйшага дасягнення мэт устойлівага развіцця. Аб гэтым БЕЛТА паведамілі ў прэс-службе беларускага МЗС.

У сваім выступленні кіраўнік беларускага знешнепалітычнага ведамства прапанаваў некалькі прынцыпаў арганізацыі ў рамках ААН сумеснай работы па больш хуткім дасягненні мэт устойлівага развіцця. "У прыватнасці, Уладзімір Макей падкрэсліў неабходнасць задзейнічаць і каардынаваць выкарыстанне ўсіх існуючых міжнародных рэсурсаў для дапамогі краінам у сферы развіцця, уключаючы экспертнае садзейнічанне, фінансавую падтрымку, перадачу тэхналогій", - праінфармавалі ў МЗС.

Акрамя таго, міністр абазначыў важнасць сістэмнага падыходу да аказання міжнароднай дапамогі краінам з сярэднім узроўнем даходу, якія складаюць больш за палавіну ад колькасці членаў ААН. "На думку кіраўніка знешнепалітычнага ведамства, неабходны справядлівы, зацікаўлены і ўзаемавыгадны ўдзел гэтых краін, таксама як і ўсіх іншых груп дзяржаў, у працэсе развіцця і атрыманні міжнароднага садзейнічання", - падкрэслілі ў МЗС.

Уладзімір Макей таксама праінфармаваў удзельнікаў пасяджэння аб праводзімай у Беларусі рабоце па комплексным выкананні глабальных мэт устойлівага развіцця.

На пасяджэнні высокага ўзроўню Генеральнай Асамблеі ААН разглядалася выкананне мэт устойлівага развіцця. Гэта першае пасля саміту ААН 2015 года мерапрыемства, прысвечанае практычным мерам пачатку ажыццяўлення парадку дня ўстойлівага развіцця на перыяд да 2030 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс