Падзеі
Макей: Цеснае ўзаемадзеянне Беларусі з інтэграцыйнымі аб'яднаннямі запатрабавана самім жыццём
13 ліпеня, Мінск /Кар. БЕЛТА/. Беларусі ёсць, што прапанаваць інтэграцыйным аб'яднанням у розных рэгіёнах свету. Аб гэтым заявіў міністр замежных спраў Уладзімір Макей у інтэрв'ю праграме "Галоўны эфір" на тэлеканале "Беларусь 1", паведамляе карэспандэнт БЕЛТА.
Як адзначыў міністр, сёння практычна на кожным кантыненце створаны рэгіянальныя аб'яднанні, якія маюць агульныя мытную прастору і эканамічныя падыходы, і для Беларусі ўзаемадзеянне з імі вельмі выгадна. "Таму што мы можам прапанаваць нешта гэтым аб'яднанням: у Беларусі добра развіта сельская гаспадарка, прамысловасць, развіта перапрацоўчая прамысловасць", - сказаў кіраўнік знешнепалітычнага ведамства Беларусі.
Уладзімір Макей адзначыў, што лічыць ідэю "інтэграцыі інтэграцый", аб якой у свой час заявіў Прэзідэнт Беларусі Аляксандр Лукашэнка, канцэпцыяй будучага. "Сёння цеснае ўзаемадзеянне паміж рознымі інтэграцыйнымі структурамі і аб'яднаннямі запатрабавана самім жыццём. І праведзеныя саміты ва Уфе пацвердзілі жыццяздольнасць гэтай ідэі", - упэўнены міністр.
"Нягледзячы на тое, што мы знаходзімся часам на розных кантынентах, прадстаўляем розныя краіны, мэта ў нас адна - забяспечыць дабрабыт нашых людзей, нашых народаў", - рэзюмаваў Уладзімір Макей.
версія для друку
зрабіць стартавай
дабавіць у выбранае