У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

3 Кст 2017

Макей: Тавараабарот Беларусі з большасцю дзяржаў павялічваецца

3 кастрычніка, Мінск /Аліна Грышкевіч - БЕЛТА/. Тавараабарот Беларусі з большасцю дзяржаў павялічваецца. Аб гэтым заявіў міністр замежных спраў Уладзімір Макей сёння на адкрыцці першай канферэнцыі ганаровых консулаў Беларусі, перадае карэспандэнт БЕЛТА.

"Асобнай увагі заслугоўвае тэма эканамічнай дыпламатыі, дзе ваш удзел асабліва запатрабаваны, - сказаў кіраўнік знешнепалітычнага ведамства, звяртаючыся да ганаровых консулаў. - У выніку дыверсіфікацыі нашых намаганняў на ўсіх кантынентах тавараабарот Беларусі з большасцю дзяржаў павялічваецца. Актыўна развіваецца супрацоўніцтва ў інтэграцыйным фармаце Еўразійскага эканамічнага саюза".

Уладзімір Макей сказаў, што гандлёва-эканамічная праблематыка ў самым шырокім плане стане прадметам абмеркавання на ўзроўні прэм'ер-міністра Беларусі.

"Сёння мы сустракаемся ў фармаце, падобным да тых традыцыйных семінараў, якія штогод праводзім для кіраўнікоў нашых пасольстваў. У нас з вамі ўжо выбудавана сістэмная работа, наладжана плённае, канструктыўнае ўзаемадзеянне. З многімі з вас я знаёмы не па чутках, - падкрэсліў міністр. - Паміж намі няма і не можа быць закрытых тэм. Не спрабуючы ахапіць неабсяжнае, мы пастараемся даць вам усю неабходную эксклюзіўную інфармацыю аб краіне, яе развіцці, планах на будучае. Разам з сустрэчамі, якія вы праведзяце з міністрамі, прадстаўнікамі бізнесу, культуры, немалаважны і ўзаемныя кантакты адзін з адным, абмен унікальным вопытам, напрацоўкамі. Яны дадуць узаемную энергію, магчыма, стануць штуршком да своеасаблівага трансгранічнага супрацоўніцтва, новых узаемавыгадных сумесных праектаў".

Уладзімір Макей таксама адзначыў: "У ходзе гэтага мерапрыемства разлічваем на зваротную сувязь, на актыўную, адкрытую і дзелавую размову, абмен думкамі і ініцыятывамі. Напэўна, у многіх ёсць меркаванні наконт таго, якія механізмы, рычагі, інструменты можна выкарыстоўваць для эфектыўнага прадстаўлення інтарэсаў Беларусі за мяжой, а таксама наконт таго, што перашкаджае рэалізацыі тых ці іншых ініцыятыў, узаемавыгаднага супрацоўніцтва".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс