У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

15 Лют 2018

Макей прыме ўдзел у Мюнхенскай канферэнцыі па бяспецы

15 лютага, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей прыме ўдзел у Мюнхенскай канферэнцыі па бяспецы, якая адбудзецца 16-18 лютага. Аб гэтым паведаміў сёння на брыфінгу начальнік упраўлення інфармацыі і лічбавай дыпламатыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

Асноўнымі пытаннямі на канферэнцыі стануць перспектывы еўрапейскай архітэктуры бяспекі, барацьбы з тэрарызмам, актуальныя міжнародныя канфлікты, а таксама праблематыка бяспекі ў сферах энергетыкі і аховы здароўя, кібербяспекі.

Плануецца сустрэча міністра з арганізатарамі Мюнхенскай канферэнцыі, а таксама кіраўнікамі некаторых арганізацый. Прадугледжваецца абмеркаванне шырокага спектра пытанняў, у тым ліку беларускіх ініцыятыў па ўмацаванні міжнароднай бяспекі.

Канферэнцыя праводзіцца з 1963 года і з'яўляецца адным з найбольш прадстаўнічых і аўтарытэтных сусветных форумаў у галіне палітыкі бяспекі і супрацоўніцтва ў ваенна-палітычнай сферы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс