VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Крс 2017

Макей: Беларусь развівае ініцыятыву па стварэнні інстытута партнёрства АДКБ

28 красавіка, Мінск /Кар. БЕЛТА/. Беларусь развівае ініцыятыву па стварэнні інстытута партнёрства АДКБ, паведаміў міністр замежных спраў Уладзімір Макей у інтэрв'ю тэлерадыёкампаніі "Мір".

"Наступная ініцыятыва Беларусі, і мы актыўна развіваем яе, па стварэнні інстытута партнёрства АДКБ, што прадугледжвае развіццё больш цесных, трывалых адносін з трэцімі дзяржавамі. Дарэчы, вельмі многія дзяржавы зацікаўлены ў арганізацыі ўзаемадзеяння з АДКБ, таму што яны сутыкаюцца з тымі ж выклікамі і праблемамі, што і наша прастора, што і наша Арганізацыя. У першую чаргу, гэта, вядома ж, тэрарызм, які абсалютна не мае межаў. Таму мы развіваем інстытут партнёрства і маем намер прыцягнуць да нашай дзейнасці і трэція дзяржавы, якія таксама праяўляюць інтарэс да гэтага", - сказаў Уладзімір Макей.

Міністр замежных спраў расказаў і аб іншых задачах у знешнепалітычнай каардынацыі, якія цяпер стаяць перад АДКБ і над якімі Беларусь мае намер працаваць у перыяд свайго старшынства. "На наш погляд, цяпер важна арганізацыя яшчэ больш цеснага ўзаемадзеяння паміж дзяржавамі - членамі АДКБ на розных узроўнях. Тут мы маем намер актыўна ўзмацняць нашу знешнепалітычную дзейнасць, знешнепалітычнае ўзгадненне, каардынацыю нашых дзеянняў на міжнароднай арэне. Першы напрамак - гэта больш дакладная каардынацыя знешнепалітычнай дзейнасці ў рамках нашага старшынства. Другі напрамак - гэта больш моцнае пазіцыянаванне АДКБ на міжнароднай арэне. Я ўжо ўпамянуў аб тым, што АДКБ мае статус наглядальніка пры Генеральнай асамблеі ААН. Мы маем намер пашыраць імідж нашай Арганізацыі на міжнароднай арэне, узмацняць наша ўзаемадзеянне і з ААН, і з АБСЕ. Мы прапанавалі ўключыць у план нашай работы на бягучы год шэраг канкрэтных крокаў у гэтым напрамку. Акрамя таго, мы маем намер і далей развіваць ваенны складнік нашай Арганізацыі", - дадаў ён. Таксама Уладзімір Макей упамянуў аб намеры ўдзяліць больш увагі ўрэгуляванню рэгіянальных канфліктаў па ўсім перыметры дзейнасці АДКБ.

Уладзімір Макей адказаў на пытанне аб адносінах Беларусі і НАТА. "Чамусьці натаўцы, прадстаўнікі шэрага суседніх з намі краін і краін НАТА вельмі заклапочаны, напрыклад, маючымі адбыцца беларуска-расійскімі вучэннямі "Захад-2017". З іх пункту гледжання, гэтыя вучэнні маюць агрэсіўны характар, нібыта ў выніку гэтых вучэнняў плануецца нападзенне на нейкія суседнія дзяржавы. З беларускага боку ніколі не зыходзіла пагроза і не будзе зыходзіць. Мы з'яўляемся дзяржавай, якая не стварае праблемы некаму, а, наадварот, уносіць свой уклад у забеспячэнне стабільнасці і бяспекі ў рэгіёне. Беларусь - адзіная дзяржава на постсавецкай прасторы, дзе не было ніякіх узброеных канфліктаў. Мы не маем ніякіх тэрытарыяльных прэтэнзій адзін да аднаго. Таму мы маем намер прадаўжаць гэту лінію ў далейшым. Наша пазіцыя ў тым, што трэба пераходзіць ад ваяўнічай рыторыкі, якая можа прывесці нас да скочвання да часоў "халоднай вайны", да нармальных, дыпламатычных метадаў вырашэння любых праблем, у тым ліку і ў сферы бяспекі, ваенна-палітычнай сферы. Толькі такім чынам мы зможам вырашыць існуючыя неразуменне і заклапочанасць адзін з адным", - падкрэсліў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход