У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

22 Ліс 2016

Макей: Беларусь і Расія ўзгаднілі сумесныя знешнепалітычныя дзеянні на бліжэйшую перспектыву

22 лістапада, Мінск /Аліна Грышкевіч - БЕЛТА/. Беларусь і Расія ўзгаднілі сумесныя знешнепалітычныя дзеянні на бліжэйшую перспектыву. Аб гэтым заявіў міністр замежных спраў Беларусі Уладзімір Макей па выніках сумеснага пасяджэння калегій МЗС Беларусі і Расіі ў Мінску, перадае карэспандэнт БЕЛТА.

Уладзімір Макей адзначыў, што ў час сустрэчы з расійскімі калегамі абмяркоўваліся пытанні ўзаемадзеяння паміж міністэрствамі замежных спраў, актуальныя тэмы двухбаковага супрацоўніцтва, узаемадзеяння ў міжнародных арганізацыях. У прыватнасці, падпісаны план кансультацый паміж МЗС Беларусі і Расіі на бліжэйшую перспектыву, дзе прадугледжана больш як 20 сустрэч і мерапрыемстваў.

Кіраўнік знешнепалітычнага ведамства падкрэсліў, што на сённяшнім сумесным пасяджэнні калегій закраналіся аспекты міжнароднага ўзаемадзеяння, якія датычацца МАГАТЭ, чарнобыльскай тэматыкі, а таксама па лініі рэалізацыі Мэт устойлівага развіцця.

Беларусь і Расія ўзгаднілі план кансультацый паміж міністэрствамі замежных спраў у сувязі з 25-годдзем устанаўлення дыпламатычных адносін паміж дзяржавамі, якое будзе адзначацца ў наступным годзе.

Паводле слоў міністра, мерапрыемства ў Мінску мела канструктыўны характар, адбылося адкрытае і плённае абмеркаванне шматлікіх пытанняў двухбаковага парадку дня. На думку Уладзіміра Макея, гэта дасць магчымасць вырашаць складаныя задачы, якія стаяць перад краінамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс