У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

16 Снж 2016

Макей адзначае ўзаемнае імкненне Беларусі і ААЭ да ўзаемавыгаднага супрацоўніцтва

16 снежня, Мінск /Кар. БЕЛТА/. Беларусь і ААЭ імкнуцца да ўзаемавыгаднага супрацоўніцтва па самым шырокім коле пытанняў. Аб гэтым заявіў сёння міністр замежных спраў Беларусі Уладзімір Макей у час трэцяга пасяджэння сумеснага камітэта па супрацоўніцтве паміж урадамі Беларусі і Аб'яднаных Арабскіх Эміратаў, перадае карэспандэнт БЕЛТА.

Уладзімір Макей адзначыў, што супрацоўніцтва паміж краінамі ў розных сферах значна актывізавана, развіваюцца кантакты па лініях міністэрстваў і ведамстваў, павялічваецца турыстычны абмен. "Гэта падкрэслівае ўзаемнае імкненне да ўзаемавыгаднага супрацоўніцтва па самым шырокім коле пытанняў", - заявіў міністр.

Беларусь і ААЭ рэгулярна праводзяць сустрэчы на розных узроўнях. Гэта лепш за ўсё пацвярджае дружалюбны характар адносін паміж краінамі.

"Аб'яднаныя Арабскія Эміраты з'яўляюцца адным з вядучых гандлёвых партнёраў Беларусі на Блізкім Усходзе. Разам з тым хачу падкрэсліць, што мы ўсё яшчэ даволі далёкія ад выкарыстання ў поўнай меры існуючых магчымасцей, - сказаў Уладзімір Макей. - Мы павінны пераходзіць ад простага гандлю да глыбокай вытворчай кааперацыі, якая прадугледжвае стварэнне сумесных прадпрыемстваў і перадачу тэхналогій".

У краін ёсць перспектывы развіваць узаемадзеянне ў сферах інвестыцый, прамысловасці, сельскай гаспадаркі і харчавання, спорту, турызму, аховы здароўя, навукі.

У сваю чаргу дзяржаўны міністр па замежных справах ААЭ Анвар Мухамед Гаргаш заўважыў, што паміж дзвюма дзяржавамі існуюць выдатныя ўзаемаадносіны, у тым ліку ў палітычнай сферы. "Асноўны выклік, які цяпер стаіць перад намі, - якім чынам мы можам трансфармаваць гэту добрую базу двухбаковага супрацоўніцтва ў развіццё адносін у гандлёва-эканамічнай і інвестыцыйнай сферы", - падкрэсліў ён.

Трэцяе пасяджэнне сумеснага камітэта па супрацоўніцтве паміж урадамі Беларусі і Аб'яднаных Арабскіх Эміратаў праходзіць у Міністэрстве замежных спраў 15-16 снежня. Беларускі бок на мерапрыемстве ўзначальвае Уладзімір Макей, эмірацкі - дзяржаўны міністр па замежных справах Анвар Мухамед Гаргаш.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс