Падзеі

15 лютага, Мінск /Аліна Грышкевіч - БЕЛТА/. Міністр замежных спраў Беларусі Уладзімір Макей 15 лютага сустрэўся з Надзвычайным і Паўнамоцным Паслом Ізраіля ў нашай краіне Алонам Шохамам у сувязі з уручэннем ім копій даверчых грамат. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

На сустрэчы абмеркаваны бягучы стан, а таксама перспектывы двухбаковых адносін. Акрамя таго, размова ішла аб мерапрыемствах, якія плануюцца бакамі ў сувязі з адзначаемым у 2017 годзе 25-годдзем устанаўлення дыпламатычных адносін паміж Беларуссю і Ізраілем.

Дасягнута таксама дамоўленасць аб прадаўжэнні актыўнага ўзаемадзеяння ў палітычнай, эканамічнай і культурнай галінах.