14 красавіка, Мінск /Кар. БЕЛТА/. Міністр замежных спраў Беларусі Уладзімір Макей правёў сустрэчу з Надзвычайным і Паўнамоцным Паслом Кубы Хуанам Вальдэсам Фігероа з нагоды завяршэння яго дыпламатычнай місіі ў Беларусі. Аб гэтым БЕЛТА паведамілі ў прэс-службе беларускага знешнепалітычнага ведамства.
Паводле інфармацыі МЗС, бакі абмеркавалі актуальныя пытанні беларуска-кубінскага супрацоўніцтва, а таксама ўзаемадзеянне ў міжнародных арганізацыях.
Уладзімір Макей падзякаваў паслу за яго ўклад ва ўсебаковае развіццё адносін паміж Беларуссю і Кубай.