Падзеі

27 жніўня, Мінск /Кар. БЕЛТА/. Па ініцыятыве расійскага боку сёння адбылася тэлефонная размова міністра замежных спраў Беларусі Уладзіміра Макея з міністрам замежных спраў Расіі Сяргеем Лаўровым. Аб гэтым БЕЛТА паведамілі ў прэс-службе беларускага знешнепалітычнага ведамства.

"Кіраўнікі знешнепалітычных ведамстваў дзвюх краін абмеркавалі актуальныя пытанні развіцця беларуска-расійскіх адносін, а таксама праблемы забеспячэння рэгіянальнай бяспекі ў кантэксце сітуацыі на паўднёвым усходзе Украіны", - паведамілі ў МЗС.

Акрамя таго, дыпламаты разгледзелі пытанні ўзаемадзеяння на міжнароднай арэне.