Падзеі

Лукашэнку спыталі меркаванне наконт змены назвы партыі "Белая Русь", ён прапанаваў сур'ёзна падумаць

Фота з архiва

17 верасня, Мінск /Кар. БЕЛТА/. Старшыня Беларускай партыі "Белая Русь" Вольга Чамаданава спытала меркаванне Аляксандра Лукашэнкі аб магчымасці змены назвы партыі. Аб гэтым ішла размова на сустрэчы кіраўніка дзяржавы з ідэалагічным актывам, гістарычнай і экспертнай супольнасцю, прысвечанай Дню народнага адзінства, перадае карэспандэнт БЕЛТА.

Кіраўнік партыі расказала, што гэта пытанне даволі актыўна абмяркоўваецца пасля праведзенага партыйнага з'езда. Справа ў тым, што і партыя, і грамадскае аб'яднанне маюць адну і тую ж назву - "Белая Русь". "Можа, пара падумаць аб змене назвы партыі ці, магчыма, цяпер не час?" - спытала парады Вольга Чамаданава.

"Гэта пытанне я чуў адзін раз. Але я адразу падумаў: хто яго ведае, можа, па сутнасці трэба нешта там (памяняць. - Заўвага БЕЛТА)... Можа, паглядзець, каб яны маглі развівацца", - сказаў Прэзідэнт.

Вольга Чамаданава ў сувязі з гэтым адзначыла, што ў радах партыі ўжо амаль 70 тыс. чалавек. "На сённяшні дзень аб'ектыўна людзі проста блытаюць. У іх адна назва. Але ўсе мы кансалідаваны вакол нашай краіны, сімвалаў", - сказала яна.

"Вы падумайце. Я гатовы, калі гэта ад мяне залежыць, падтрымаць любое рашэнне. Але трэба сур'ёзна падумаць. Калі ўжо мы замахнуліся на партыйнае будаўніцтва, губіць не трэба партыю. Калі гэта будзе на карысць - калі ласка", - заявіў кіраўнік дзяржавы.

Ён таксама перасцярог ад таго, каб у партыю штучна кагосьці прыцягвалі. Вольга Чамаданава запэўніла, што такога катэгарычна няма.

"Так, трэба агітаваць, трэба тлумачыць, падказваць. Але цягнуць туды - гэта на шкоду будзе", - даў наказ Аляксандр Лукашэнка.

"Мы не арганізацыя, якая павінна кагосьці перавыхоўваць. Мы - палітычная партыя. І павінны прытрымлівацца свайго курсу", - сказала Вольга Чамаданава.

"Цалкам правільна", - згадзіўся Прэзідэнт.

версія для друку

зрабіць стартавай

дабавіць у выбранае