Падзеі

Лукашэнка запатрабаваў выключыць безгаспадарчасць і навесці парадак у аграсектары Шклоўскага раёна

27 верасня, Шклоўскі раён /Кар. БЕЛТА/. Прэзідэнт Беларусі Аляксандр Лукашэнка ў час рабочай паездкі ў Шклоўскі раён Магілёўскай вобласці запатрабаваў дабіцца парадку ў аграрным сектары раёна і выключыць безгаспадарчасць, перадае карэспандэнт БЕЛТА.

Прэзідэнт указаў на недахопы, на якія звярнуў увагу па дарозе ў гаспадарку. У прыватнасці, Аляксандр Лукашэнка канстатаваў, што каля дарогі расце добрая кукуруза, у той час як на адлегласці справы ў палях ідуць значна горш. Акрамя таго, заўважыў кіраўнік дзяржавы, вышыня пасеваў рапсу сведчыць аб тым, што рэгулятары росту там не прымяняліся.

"Не навядзём парадак - галоднымі будзем хадзіць!" - заявіў Аляксандр Лукашэнка.

Кіраўніку дзяржавы падрабязна далажылі аб асенніх палявых работах у раёне, вобласці і па краіне ў цэлым. Прэзідэнт удакладніў, як ідзе ўборка бульбы, цукровых буракоў, лёну.

Размова зайшла пра аптымальныя пасевы плошчаў пад цукровыя буракі ў рэгіёне. Гэта пытанне даволі вострае з улікам таго, што цукровыя заводы ў асноўным працуюць з бліжэйшымі рэгіёнамі. У сувязі з гэтым узнікае праблема дастаўкі буракоў з тых раёнах краіны, якія знаходзяцца "на перыферыі".

"Давайце паглядзім. У нас у цэнтры, на захадзе чатыры цукраперапрацоўчыя заводы. Тут, на ўсходзе, няма. Але калі мы бачым (перспектыву. - Заўвага БЕЛТА), маленькі заводзік можна тут пабудаваць. Мы гэта ўмеем рабіць, гэта нескладанае збудаванне", - падкрэсліў кіраўнік дзяржавы. Пры гэтым, дадаў ён, павінна быць разуменне, што гэты завод удасца забяспечыць буракамі.

Немалаважнай тэмай стаў ураджай кукурузы ў цэлым па краіне. Паводле слоў міністра сельскай гаспадаркі і харчавання Юрыя Горлава, кукурузай засеяна каля 1 млн 300 тыс. га, большую частку якой убіраюць на сілас. Аляксандр Лукашэнка пацікавіўся разлікамі на ўраджай і гэтай сельгаскультуры.

 Як далажыў Юрый Горлаў, ураджай кукурузы на зерне плануецца прыкладна каля 2 млн 200 тыс. т.

Міністр пацвердзіў, што пасля неабходнай дапрацоўкі гэта зерне кукурузы ў дастатковай колькасці будзе выкарыстана на корм для буйной рагатай жывёлы, свіней, а таксама птушкі. "А ўвогуле нам трэба выходзіць на 3 млн т зерня кукурузы", - адзначыў Юрый Горлаў.

"Значыць, тры мільёны мы пры нармальнай тэхналогіі папросту можам атрымаць. Вось трэба і ставіць задачу. Лічы, ты яе сам сабе на будучыню паставіў", - рэзюмаваў Прэзідэнт.

Акрамя таго, кіраўнік дзяржавы даручыў да 3 кастрычніка завяршыць усю сяўбу па поўдні краіны, а па іншых абласцях - да 1 кастрычніка.

версія для друку

зрабіць стартавай

дабавіць у выбранае