У Беларусь без візы на 30 дзён
Афіцыйны сайт Рэспублікі Беларусь
Свята Купалле
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

13 Жнв 2016

Лукашэнка запатрабаваў прыняцця дзейсных мер для больш эфектыўнага развіцця Гродзенскай вобласці

13 жніўня, Ваўкавыск /Аліна Грышкевіч - БЕЛТА/. Прэзідэнт Беларусі Аляксандр Лукашэнка запатрабаваў прыняцця дзейсных мер для больш эфектыўнага сацыяльна-эканамічнага развіцця Гродзенскай вобласці. На гэтым кіраўнік дзяржавы акцэнтаваў увагу 13 жніўня на нарадзе аб сацыяльна-эканамічным развіцці Гродзенскай вобласці, якая праходзіла ў Ваўкавыскім райвыканкаме, перадае карэспандэнт БЕЛТА.

Кіраўнік дзяржавы адзначыў, што пачаў гэту рабочую паездку не з наведвання канкрэтных прадпрыемстваў, а з аналізу сацыяльна-эканамічнага развіцця Гродзенскай вобласці і Ваўкавыскага раёна, каб даведацца аб існуючых праблемах у рэгіёне. "Мяне цікавіць перш за ўсё, як выконваюцца тыя планы, якія былі акрэслены як "Матрыца задач для вертыкалі ўлады" - яна была распрацавана ў канцы мінулага года. Дамовіліся, што будзем рэгулярна кантраляваць працэс рэалізацыі важнейшых прагнозных паказчыкаў. Мяне хвалюе, што ў такім моцным рэгіёне, як Гродзеншчына, па выніках першага паўгоддзя не выкананы пяць з васьмі ключавых паказчыкаў эфектыўнасці работы", - сказаў Аляксандр Лукашэнка.

"Ніжэй за мінулы год спрацавала эканоміка ў цэлым: тэмп росту валавога рэгіянальнага прадукту склаў 97,5 працэнта пры заданні на першае паўгоддзе амаль 101 працэнт. Прадукцыйнасць працы таксама ніжэйшая за мінулагодні ўзровень. Найгоршыя вынікі сярод абласцей рэспублікі ў Гродзеншчыны па прыцягненні прамых замежных інвестыцый. Сур'ёзнымі недахопамі з'яўляюцца зніжэнне аб'ёму падрадных работ (на чвэрць), увод у эксплуатацыю жылля (37 працэнтаў ад гадавога задання), спад рэальнай заработнай платы, рост колькасці стратных арганізацый і знешняя дэбіторская запазычанасць, шэраг іншых негатыўных з'яў", - адзначыў Прэзідэнт.

Аляксандр Лукашэнка падкрэсліў, што чакае прынцыповай размовы аб прычынах дапушчанага адставання і невыканання шэрага даручэнняў, а таксама аб канкрэтных мерах па ўстараненні недахопаў і рашэнні існуючых у рэгіёне праблем. "Асаблівай увагі патрабуюць пытанні развіцця аграпрамысловага комплексу. Як ідзе ўборка ўраджаю ў вобласці, раёне? Наколькі якасныя кармы нарыхтаваны для жывёлагадоўлі? Што робіцца для дыверсіфікацыі экспарту сельгаспрадукцыі?" - звярнуў увагу кіраўнік дзяржавы.

Прэзідэнт дадаў, што таксама хоча пачуць пазіцыю прадстаўнікоў кантралюючых органаў і міністэрстваў, у чым недапрацоўваюць мясцовыя ўлады, якое іх узаемадзейнічанне з рэспубліканскімі структурамі. "Ацэнкі і прапановы павінны быць канкрэтнымі і дзелавымі, - падкрэсліў Аляксандр Лукашэнка. - Мы сабраліся для таго, каб не пакараць адзін аднаго, не напружыць абстаноўку, а дакладна, пэўна адказаць на тыя выклікі, якія кідае нам час".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс