У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

2 Врс 2016

Лукашэнка запатрабаваў актывізаваць добраўпарадкаванне ў Мінску ландшафтна-рэкрэацыйных тэрыторый

2 верасня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка запатрабаваў актывізаваць добраўпарадкаванне ў Мінску ландшафтна-рэкрэацыйных тэрыторый, перадае карэспандэнт БЕЛТА.

Аб адпаведных планах у гарадской ратушы кіраўніку дзяржавы далажыў старшыня камітэта архітэктуры і горадабудаўніцтва Мінгарвыканкама, галоўны архітэктар Мінска Павел Лучыновіч. "Мінск ва ўспрыманні жыхароў і гасцей сталіцы заўсёды быў зялёным горадам. Важнейшая задача - захаванне гэтай спадчыны", - сказаў Павел Лучыновіч.

Паводле слоў галоўнага архітэктара, плануецца рэканструкцыя паўднёвай часткі водна-зялёнага дыяметра ракі Свіслач. "І важнейшы напрамак, наша задача да 2030 года, - стварэнне паўкальца ў заходняй частцы горада - Лошыцкай водна-зялёнай сістэмы. Цяпер вялікі дэфіцыт зялёных насаджэнняў у гэтай частцы горада, - адзначыў ён. - Павінны прывесці ў парадак і наша існуючае другое паўкальцо - Сляпянскую водна-зялёную сістэму. Гэта запатрабуе значных фінансавых затрат. Але, тым не менш, мы помнім пра зялёныя зоны".

"Адкладваць гэта на доўгі час і трымаць у планах нельга. Калі будзеце ведаць, як рабіць, дзе рабіць, то людзей мы мабілізуем", - падкрэсліў Прэзідэнт.

Аляксандр Лукашэнка адзначыў, што ў першую чаргу трэба заняцца пасадкай зялёных насаджэнняў. "Няхай растуць. Не зможам пакуль пліткай выкласці дарожкі, нічога, адсыпем пяском, дробнай галькай... Будзем паступова рабіць. Але максімум трэба вырваць гэты кавалак работ, каб дрэвы раслі. Не трэба чакаць, што прыйдзем туды з трактарамі і бульдозерамі, усё раскапаем, пакладзём асфальт, а потым будзем займацца насаджэннямі", - сказаў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс