Падзеі

1 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні губернатару Чалябінскай вобласці Расіі Барысу Дуброўскаму, родным і блізкім загінулых пры выбуху ў жылым доме ў Магнітагорску. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы падкрэсліў, што ў Беларусі з глыбокім смуткам успрынялі вестку аб трагедыі, якая здарылася ў Магнітагорску.

"Велізарны боль ад незаменных страт напоўніў сэрцы ўсіх беларусаў. Мы смуткуем разам з брацкім расійскім народам і падзяляем цяжар напаткаўшай яго бяды", - гаворыцца ў спачуванні.

Як паведамлялася, 31 снежня з-за выбуху газу адбылося абвальванне пад'езда жылога дома ў Магнітагорску. Паводле апошніх даных, загінулі восем чалавек. Месцазнаходжанне яшчэ 37 чалавек не ўстаноўлена. Як адзначылі ў МНС, захоўваецца пагроза далейшага абвальвання дома.