Падзеі

Лукашэнка: умацаванне цесных сувязей з В'етнамам як галоўным партнёрам у Паўднёва-Усходняй Азіі - безумоўны прыярытэт

Фота з архiва

2 верасня, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка ад імя беларускага народа і сябе асабіста павіншаваў Генеральнага сакратара ЦК Камуністычнай партыі Сацыялістычнай Рэспублікі В'етнам То Лама і Прэзідэнта Лыонг Кыонга з 80-годдзем незалежнасці гэтай краіны. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы звярнуў увагу, што сувязі паміж Мінскам і Ханоем маюць даўнюю гісторыю і на працягу ўсёй гісторыі двухбаковых адносін Беларусь з захапленнем назірае за поспехамі В'етнама ў дасягненні амбіцыйных мэт палітычнага, эканамічнага і сацыяльнага развіцця.

У пасланні ў адрас То Лама Прэзідэнт падкрэсліў: "Яркім сімвалам непарушнай беларуска-в'етнамскай дружбы стаў Ваш візіт у Беларусь у юбілейны для незалежнасці В'етнама год. Перакананы, пераход да якасна новага этапу ў адносінах нашых краін - стратэгічнага партнёрства - адзначыцца далейшым паглыбленнем палітычнага дыялогу, дыверсіфікацый напрамкаў эканамічнага супрацоўніцтва, рэалізацыяй маштабных сумесных праектаў, узгодненымі дзеяннямі па рэагаванні на глабальныя і рэгіянальныя выклікі".

"Умацаванне цесных сувязей з В'етнамам як галоўным партнёрам у Паўднёва-Усходняй Азіі - безумоўны прыярытэт Беларусі", - адзначыў кіраўнік дзяржавы ў віншаванні Лыонг Кыонгу.

Прэзідэнт Беларусі пажадаў кіраўнікам В'етнама моцнага здароўя і далейшых поспехаў, а в'етнамскаму народу - міру, адзінства, дабрабыту і працвітання.

версія для друку

зрабіць стартавай

дабавіць у выбранае