Падзеі

Лукашэнка: у Гомелі ўсё падрыхтавана для мірных перагавораў, чакаюць крокаў з боку кіраўніцтва Украіны

27 лютага, Мінск /Кар. БЕЛТА/. У Гомелі ўсё падрыхтавана для мірных перагавораў, чакаюць крокаў з боку кіраўніцтва Украіны. Аб гэтым Прэзідэнт Беларусі Аляксандр Лукашэнка заявіў журналістам пасля галасавання на рэферэндуме па абноўленай Канстытуцыі, перадае карэспандэнт БЕЛТА.

Аляксандр Лукашэнка расказаў, што напярэдадні Прэзідэнт Расіі паведаміў яму аб гатоўнасці боку правесці перагаворы: "Зноў пазваніў Прэзідэнт Расіі, расказаў, як з перагаворамі ідуць справы: "Гатовы сустракацца ў Гомелі". Я гавару: "Добра, у Гомелі дык у Гомелі, калі Мінск для іх вельмі дрэнна".

У Гомелі за ноч паспелі падрыхтаваць пляцоўку для перагавораў, сустрэлі расійскую дэлегацыю. Засталося дачакацца адказу ад Украіны. "Чакаюць", - сказаў Прэзідэнт.

"За ноч яго, Зяленскага, спрабавалі знайсці, знайшлі раніцай. Адказ: "Магчыма. Перагаворым". І так даверна (я ўжо магу гэта агучыць), цытата: "Чалавек не ў адэкваце. Ён не разумее, што адбываецца", - раскрыў некаторыя падрабязнасці кіраўнік дзяржавы.

"Я чакаю адказу", - сказаў Аляксандр Лукашэнка.

Прэзідэнт падкрэсліў, што самае небяспечнае, эскалацыя канфлікту, яшчэ наперадзе. Могуць паўтарыцца югаслаўскія падзеі, і важна не дапусціць гэтага. Дапамагчы могуць толькі перагаворы, перакананы беларускі лідар. "І калі ў іх (у кіраўніцтва Украіны. - Заўвага БЕЛТА) ёсць хоць крыху адказнасці за свой народ, калі яны не хочуць страціць дзяржаву і дзяржаўнасць, трэба сесці за стол перагавораў і вырашыць тыя пытанні, якія сёння няхай нават выстаўляе Расія", - рэзюмаваў кіраўнік дзяржавы.

версія для друку

зрабіць стартавай

дабавіць у выбранае