Падзеі

Лукашэнка: у Беларусі паспяхова рэалізуюцца маштабныя праекты па будаўніцтве і мадэрнізацыі аб'ектаў энергасістэмы

22 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў і ветэранаў энергетычнай галіны з прафесійным святам - Днём энергетыка. Аб гэтым БЕЛТА паведамілі ў прэс-службе беларускага лідара.

У віншаванні гаворыцца, што энергетычная галіна сёння - гэта сучасны, дынамічны комплекс з магутным патэнцыялам, які забяспечвае ўмацаванне канкурэнтаздольнасці нацыянальнай эканомікі, павышэнне камфорту і якасці жыцця людзей.

"У краіне паспяхова рэалізуюцца маштабныя праекты па будаўніцтве і мадэрнізацыі аб'ектаў энергасістэмы, шырокім укараненні перадавых энергаэфектыўных і экалагічных тэхналогій, - падкрэсліў кіраўнік дзяржавы. - Гістарычнай падзеяй з'яўляецца будаўніцтва Беларускай атамнай электрастанцыі".

Аляксандр Лукашэнка таксама адзначыў: "Усё гэта стала магчымым дзякуючы вашай штодзённай карпатлівай працы і высокаму прафесіяналізму. Упэўнены, вашы адданасць справе і ініцыятыва будуць і ў далейшым служыць развіццю і працвітанню нашай роднай Беларусі".

Прэзідэнт пажадаў усім моцнага здароўя, дабрабыту і поспехаў.

версія для друку

зрабіць стартавай

дабавіць у выбранае