Падзеі

Лукашэнка: тут, у Мінску, была спынена буйнамаштабная вайна ў Данбасе

9 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка нагадаў аб ролі краіны і прадастаўленай мірнай пляцоўкі ў пытанні ўрэгулявання сітуацыі на Данбасе. Аб гэтым кіраўнік дзяржавы Аляксандр Лукашэнка заявіў сёння ў час "Вялікай размовы з Прэзідэнтам" - сустрэчы з журналістамі, прадстаўнікамі грамадскасці, экспертнай і медыйнай супольнасці, перадае карэспандэнт БЕЛТА.

Гаворачы аб развіцці беларускай эканомікі ва ўмовах санкцыйнага націску, кіраўнік дзяржавы звярнуў увагу, што экспарт сапраўды важны для краіны, таму што значныя аб'ёмы вырабляемай прадукцыі прызначаны для пастаўкі на знешнія рынкі. Аднак рынкі Еўрапейскага саюза і ЗША, якія цяпер уводзяць санкцыі, для Беларусі не з'яўляліся прыярытэтнымі, айчынную прадукцыю туды ніколі асабліва і не пускалі, адзначыў Прэзідэнт. Ён таксама нагадаў, што Беларусь практычна ўвесь час знаходзілася пад уплывам тых ці іншых санкцый. Адзіны перыяд без іх - калі па прапанове лідараў Расіі і Германіі Уладзіміра Пуціна і Ангелы Меркель Мінск быў выбраны ў якасці месца правядзення перагавораў у "нармандскім фармаце" па ўрэгуляванні крызісу на паўднёвым усходзе Украіны.

"Вось тады ўзнікла нейкае акно магчымасцей, мы сталі не якім-небудзь пасрэднікам, а сталі пляцоўкай для гэтых мірных перагавораў. Тут, у Мінску, была спынена буйнамаштабная вайна на Данбасе. Так, там пастрэльваюць і з аднаго, і з другога боку, як мяне інфармуюць, сама меней штотыднёва. Але там няма гэтай вайны, якая была пад Дэбальцавам і ў Данецкім аэрапорце, памятаеце гэту мясарубку? Вось тады да нас аднесліся па-чалавечы і сказалі: так, Беларусь - гэта тое месца, куды трэба ехаць і шукаць мір", - адзначыў беларускі лідар.

версія для друку

зрабіць стартавай

дабавіць у выбранае