Падзеі

Лукашэнка: сучасная беларуская армія мабільная, кампактная і аснашчаная

Фота з архiва

22 лютага, Мінск /Кар. БЕЛТА/. Сучасная беларуская армія мабільная, кампактная і аснашчаная. Аб гэтым Прэзідэнт Беларусі Аляксандр Лукашэнка заявіў сёння на ўрачыстым сходзе, прысвечаным Дню абаронцаў Айчыны і Узброеных Сіл Беларусі, перадае карэспандэнт БЕЛТА.

"Сёння сучасная беларуская армія мабільная, кампактная і аснашчаная самымі сучаснымі ўзорамі ўзбраення і ваеннай тэхнікі. Ваеннаслужачыя ўдасканальваюць сваю баявую вывучку, асвойваючы новыя метады і спосабы адбіцця пагроз, у тым ліку і ва ўзаемадзеянні з іншымі сілавымі ведамствамі", - заявіў кіраўнік дзяржавы.

Кіраўнік дзяржавы адзначыў, што ў Беларусі паслядоўна выбудоўваецца сістэма тэрытарыяльнай абароны, якая гарантуе ўсенародны характар абароны Айчыны. Актыўна развіваецца абаронны сектар эканомікі, што аб'ядноўвае самыя высокатэхналагічныя вытворчасці, уключаючы ракетную. Ствараюцца сучасныя сродкі сувязі і аўтаматызацыі, беспілотная авіяцыя, стралковая зброя і боепрыпасы, іншая прадукцыя беларускага ВПК.

версія для друку

зрабіць стартавай

дабавіць у выбранае