У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Май 2017

Лукашэнка: Сістэма навучання трэнерскіх кадраў мае патрэбу ў аптымізацыі

Лукашэнка: Сістэма навучання трэнерскіх кадраў мае патрэбу ў аптымізацыі30 мая, Мінск /Уладзімір Мацвееў - БЕЛТА/. Сістэма навучання трэнерскіх кадраў мае патрэбу ў аптымізацыі. Аб гэтым Прэзідэнт Беларусі, Прэзідэнт Нацыянальнага алімпійскага камітэта Аляксандр Лукашэнка заявіў сёння, выступаючы на Алімпійскім сходзе НАК Беларусі, перадае карэспандэнт БЕЛТА.

"Мы вымушаны дзясяткамі завозіць трэнераў з-за мяжы і за вялікія грошы. Я не супраць пераймання чужога перадавога вопыту. Няхай працуюць кансультантамі. Але вакол кожнага з іх павінны расці беларускія кадры. Зразумейце, з іншаземца запатрабаванне амаль ніякае. Адпрацаваў, сабраў рэчы і паехаў. Душу ў справу ён не ўкладзе і Радзіму любіць не навучыць", - сказаў беларускі лідар.

"Мае патрэбу ў аптымізацыі сістэма навучання трэнерскіх кадраў. Шчыра кажучы, гэта пытанне ўжо нагнала аскому. Мы сотнямі штампуем іх ва ўніверсітэце. Існуе цэлая Вышэйшая школа трэнераў, інстытут перападрыхтоўкі і павышэння кваліфікацыі. А дзе высакакласныя спецыялісты?! Трэба яшчэ разабрацца, хто і чаму там вучыць", - адзначыў Аляксандр Лукашэнка.

Паводле яго слоў, у гэтым пытанні неабходна разабрацца новаму рэктару спартыўнай ВНУ, які таксама выбраны віцэ-прэзідэнтам НАК.

Аляксандр Лукашэнка выказаў меркаванне, што, магчыма, трэба актыўней запрашаць замежных выкладчыкаў або беларускіх асобных трэнераў адпраўляць вучыцца за мяжу, калі самастойна няма магчымасці якасна змяніць сітуацыю. "Патрэбна інтэграваная сістэма бесперапыннай падрыхтоўкі і павышэння кваліфікацыі трэнераў, - сказаў кіраўнік дзяржавы. - Навядзіце тут парадак. Будучага трэнера трэба заўважыць, калі ён яшчэ актыўна выступае як спартсмен. Ваша задача - шукаць маладых атлетаў, здольных да такой работы, і весці іх да вяршынь трэнерскага майстэрства".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс