Падзеі
Лукашэнка ўсклаў вянкі да Манумента Загінулым Героям і Маўзалея Хо Шы Міна ў Ханоі
9 снежня, Ханой /Таццяна Паляжай - БЕЛТА/. Прэзідэнт Беларусі Аляксандр Лукашэнка, які знаходзіцца з дзяржаўным візітам у В'етнаме, сёння ўсклаў вянок да Манумента Загінулым Героям, перадае карэспандэнт БЕЛТА.
Манумент узведзены ў 1995 годзе і з'яўляецца нацыянальным мемарыялам у гонар воінаў-герояў, якія аддалі свае жыцці за незалежнасць В'етнама ва ўсіх узброеных канфліктах. Помнік з'яўляецца традыцыйным месцам ускладання вянкоў кіраўнікамі афіцыйных замежных дэлегацый.
Аляксандр Лукашэнка таксама ўсклаў вянок да Маўзалея Хо Шы Міна - першага Прэзідэнта Дэмакратычнай Рэспублікі В'етнам. Маўзалей размешчаны на самай вялікай у В'етнаме плошчы Ба Дзінь. Тут у 1945 годзе Хо Шы Мін зачытаў Дэкларацыю незалежнасці В'етнама. Маўзалей вышынёй 21 м падзелены на тры ўзроўні. Першы ўзровень выкарыстоўваецца як прэзідыум пры правядзенні ўрачыстых мерапрыемстваў. На другім узроўні, у цэнтральнай частцы Маўзалея, выкананай у выглядзе пакоя, спачывае цела правадыра.
версія для друку
зрабіць стартавай
дабавіць у выбранае