Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

20 Jan 2017

Лукашэнка: Скарачэнне паставак расійскай нафты павінна быць замешчана альтэрнатыўнымі варыянтамі

20 студзеня, Мінск /Уладзімір Мацвееў - БЕЛТА/. Скарачэнне паставак расійскай нафты ў Беларусь павінна быць замешчана альтэрнатыўнымі варыянтамі. Аб гэтым заявіў Прэзідэнт Беларусі Аляксандр Лукашэнка сёння, прымаючы з дакладам віцэ-прэм'ера Уладзіміра Сямашку, перадае карэспандэнт БЕЛТА.

"Мы дамаўляліся, што ў бліжэйшы час вы мне даложыце аб сітуацыі ў нафтагазавым комплексе краіны, асабліва ў сувязі з паводзінамі Расіі. Па нашых дамоўленасцях і пагадненнях, раней заключаных, якая ў нас абстаноўка? Мы нічога не ўтойваем ад людзей. Утойваць, я думаю, не трэба. Катастрофы няма, але скарачэнне паставак нафты ад Расійскай Федэрацыі павінна быць замешчана альтэрнатыўнымі варыянтамі", - заявіў кіраўнік дзяржавы.

Ён адзначыў, што адпаведныя пытанні абмяркоўваліся яшчэ ў канцы мінулага года. "І мы гэтыя альтэрнатыўныя варыянты не проста прапрацоўвалі. Мы некаторыя паспрабавалі, выпрабавалі ўжо на практыцы, дастаўляючы нафту з Чорнага і Міжземнага мораў на нашы нафтаперапрацоўчыя заводы, каб на практыцы паглядзець, як гэта будзе выглядаць эканамічна", - сказаў Прэзідэнт.

"Таму я хацеў бы пачуць, якія тут справы. Як ідзе перагаворны працэс сёння з Расійскай Федэрацыяй і на перспектыву, каб вызначыцца, як нам дзейнічаць далей. Ну і па нафтаздабычы ў Беларусі", - дадаў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі