Падзеі
Лукашэнка: Сацыяльныя пытанні заўсёды былі і будуць у цэнтры ўвагі ў Беларусі
30 снежня, Стаўбцоўскі раён /Аліна Грышкевіч - БЕЛТА/. У Беларусі сацыяльныя пытанні заўсёды былі, ёсць і будуць у цэнтры ўвагі. Аб гэтым Прэзідэнт Беларусі Аляксандр Лукашэнка заявіў журналістам, адказваючы на пытанне карэспандэнта БЕЛТА.
Кіраўнік дзяржавы, тлумачачы прычыны апошніх кадравых назначэнняў у кіраўніцтве Адміністрацыі Прэзідэнта, якія сведчаць аб упоры на сацыяльны блок, падкрэсліў: "У любой дзяржаве, а мы дэкларуем сацыяльна арыентаваную дзяржаву, дзяржаву для народа, галоўнае - гэта людзі. Усе гэтыя, як я часта кажу, гайкі, балты, эканоміка тады нечага каштуюць, калі гэта робіцца дзеля людзей. Калі робіцца не для людзей, то не патрэбна і такая эканоміка, і не трэба такая дзяржава народу. Таму - усё дзеля людзей".
Аляксандр Лукашэнка запэўніў, што і ў далейшым сацыяльным пытанням у краіне будзе ўдзяляцца самая пільная ўвага.
версія для друку
зрабіць стартавай
дабавіць у выбранае