Падзеі

Лукашэнка: развіццё сувязей паміж народамі дасць магчымасць Беларусі і Аўстраліі выйсці на новыя праекты

26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў генерал-губернатара Аўстралійскага Саюза Дэвіда Херлі з нацыянальным святам - Днём Аўстраліі. Аб гэтым БЕЛТА паведамілі ў прэс-службе беларускага лідара.

"Спадзяюся, што плённае беларуска-аўстралійскае ўзаемадзеянне, нягледзячы на геаграфічную аддаленасць нашых краін, будзе пашырацца ў першую чаргу ў гандлёва-эканамічнай і культурна-гуманітарнай сферах", - гаворыцца ў віншаванні.

Кіраўнік дзяржавы выказаў перакананне, што паступальнае развіццё сувязей паміж народамі Беларусі і Аўстраліі дасць магчымасць адкрыць новыя напрамкі супрацоўніцтва і выйсці на рэалізацыю сумесных праектаў.

версія для друку

зрабіць стартавай

дабавіць у выбранае