Падзеі

Лукашэнка разлічвае на пашырэнне сувязей Беларусі з братэрскай Кубай

Фота з архiва

26 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кубы Мігеля Марыа Дыяс-Канеля Бермудэса з адным з галоўных дзяржаўных свят Рэспублікі Куба - Днём нацыянальнага паўстання. Аб гэтым БЕЛТА паведамілі ў прэс-службе беларускага лідара.

"Ва ўмовах беспрэцэдэнтнага шматгадовага знешняга ціску ваша краіна паказала прыклад мужнасці і цвёрдасці духу. Гераічная вытрымка і нястомная воля кубінцаў выклікаюць глыбокую павагу і шчырае прызнанне ў свеце", - падкрэсліў кіраўнік дзяржавы.

Прэзідэнт адзначыў, што адносіны паміж Беларуссю і Кубай заўсёды характарызаваліся высокім узроўнем адкрытасці, згоды і ўзаемаразумення. "Мінск, безумоўна, з'яўляецца адданым сябрам Гаваны. Менавіта на гэтым трывалым фундаменце разлічваю на далейшае паслядоўнае развіццё і пашырэнне сувязей з братэрскай Кубай у рамках усіх існуючых магчымасцей", - гаворыцца ў віншаванні.

Аляксандр Лукашэнка пажадаў Мігелю Марыа Дыяс-Канелю Бермудэсу добрага здароўя, невычэрпнай мудрасці і поспехаў, а кубінскаму народу - міру і дабрабыту.

версія для друку

зрабіць стартавай

дабавіць у выбранае