У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Май 2017

Лукашэнка растлумачыў сваю рэзкую рэакцыю на праблемы з пастаўкамі прадуктаў харчавання ў Расію

11 мая, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка растлумачыў сваю рэзкую рэакцыю на праблемы з пастаўкамі ў Расію беларускіх прадуктаў харчавання. Адпаведныя заявы кіраўнік дзяржавы зрабіў сёння на сустрэчы з губернатарам Растоўскай вобласці Расіі Васілём Голубевым, перадае карэспандэнт БЕЛТА.

"Калі вы чуеце маю рэзкую рэакцыю ў гэтым плане, гэта не таму, як некаторыя пісакі ў Маскве пішуць, што Лукашэнка вельмі эмацыянальны. Справа не ў эмоцыях, а ў тым, што гэта нам вельмі дорага каштавала. Калі ў нас адзіны рынак, то давайце не будзем адзін аднаму падножкі ставіць", - заявіў Прэзідэнт.

Ён адзначыў, што, калі ў Расіі не патрэбны пэўныя аб'ёмы беларускай прадукцыі, аб гэтым трэба прама сказаць і тады яна будзе перанакіравана на рынкі іншых краін і рэгіёнаў. Разам з тым Аляксандр Лукашэнка канстатаваў, што патрэбнасць у беларускіх прадуктах харчавання на расійскім рынку ёсць. "Ну, тады не перашкаджайце гандляваць. А калі мы з кімсьці канкурыруем, тады трэба канкурыраваць. Таму што ў нас свабодны рынак. Не я ініцыятар гэтай рыначнай эканомікі. Гэта прыйшло з Расіі. І мы вымушаны падстройвацца пад гэту эканоміку", - сказаў Прэзідэнт.

Паводле слоў кіраўніка дзяржавы, Беларусь у цэлым вельмі актыўна працуе з Расіяй па пастаўках сельгаспрадукцыі і харчовых таварах, устаноўлены прамыя сувязі з сеткамі.

"Праблемы бываюць часам. У асноўным яны штучна ствараліся. Таму што калі мы з Прэзідэнтам Расіі сустрэліся, дык па-мужчынску дамовіліся - давайце ўсё ж такі на гэту праблему паглядзім пад пунктам гледжання Аляксандра Сурыкава (пасол Расіі ў Беларусі. - Заўвага БЕЛТА). А ён правільна гаворыць: калі мы хочам штосьці тут пераадолець, давайце разам будзем глядзець на ўсё, што рухаецца праз граніцу. І, калі мы пачалі ў гэтым плане кантраляваць сітуацыю, яна імгненна памянялася. Яна проста знікла. Дай бог, каб назаўсёды", - адзначыў беларускі лідар. "Пакуль такой бойкі няма. Прыязджалі спецыялісты з Расіі. Ад таго ж Данкверта. Пабывалі на нашых прадпрыемствах", - канстатаваў кіраўнік дзяржавы.

Ён таксама адзначыў вельмі высокі ўзровень беларускіх прадпрыемстваў па перапрацоўцы сельгаспрадукцыі. "Вы нават калі ў Еўропе паедзеце на такія прадпрыемствы - палавіну такіх знойдзеце. Астатнія будуць значна ніжэйшага ўзроўню. Таму да нас прэтэнзій не трэба выстаўляць. І вы павінны разумець, чаму я ў тым ліку так востра на гэта рэагую, - сказаў Аляксандр Лукашэнка. - Калі было нам вельмі цяжка, калі наогул па талонах раздавалі прадукты харчавання, мы тады па два-тры рублі адкладвалі і мадэрнізавалі гэтыя прадпрыемствы. Яны нам потам і кроўю дасталіся. І калі нас сёння папракаюць (ведаеце, па якіх прычынах), што ў нас прадукты харчавання не тыя, то гэта ўжо занадта".

Прэзідэнт таксама падкрэсліў, што Беларусь - адзіная з усіх краін постсавецкай прасторы, якая захавала ДАСТы і нават іх узмацніла. "Сёння ў нас з прадпрыемства, фермы, комплексу не выйдзе дрэнная прадукцыя, таму што там яе адразу правераць і адбракуюць", - запэўніў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс