Падзеі

Лукашэнка распарадзіўся адпраўляць у армію ўсіх, хто "не ўмее" працаваць на ўборачнай

21 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка распарадзіўся адпраўляць у армію тых, хто дрэнна працуе, не выконвае працоўную дысцыпліну ў сельскай гаспадарцы, асабліва ў перыяд уборачнай кампаніі. Аб гэтым кіраўнік дзяржавы заявіў на селектарнай нарадзе, перадае карэспандэнт БЕЛТА.

"Ну чаго мы будзем пры дэфіцыце кадраў наручнікі надзяваць? Папрасіце Хрэніна (міністр абароны Віктар Хрэнін. - Заўвага БЕЛТА), даручэнне яму маё перадайце: усіх, хто не ўмее працаваць, - у армію і на паўднёвую граніцу. У лес. Там нашы хлопцы, сілы спецыяльных аперацый, па маім загадзе разгрупаваны па ўкраінскай граніцы, - сказаў Прэзідэнт. - Гэта не значыць, што мы на кагосьці нападаць (збіраемся. - Заўвага БЕЛТА). Мы ні на кога не нападаем, мы забяспечваем сваю бяспеку. Нялёгка - камарыкі, мухі, мошкі і іншае. Вось туды іх, у армію. Звычайнымі салдатамі. Тыдзень падрыхтоўкі (гранатамёт, кулямёт), і туды - у распараджэнне сіл спецыяльных аперацый".

"Усіх туды, хто не выканае даручэнні. Гэта мой загад. Любы чыноўнік (ва ўрадзе, аблвыканкаме, райвыканкаме) - у гаспадарку на трактар, камбайн. Не ўмееш гайкі круціць? Будзеш памочнікам, будзеш падносіць "снарады". Любое невыкананне - у армію. Няхай там служыць. У лесе будзе сядзець. Там таксама патрэбны кадры. Няхай у перыяд уборкі там паслужыць. І чыноўнік, і той, хто не хоча працаваць", - дадаў Аляксандр Лукашэнка.

версія для друку

зрабіць стартавай

дабавіць у выбранае