Падзеі

Лукашэнка расказаў пра сустрэчу з прадстаўнікамі Зяленскага

25 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб яго сустрэчы з прадстаўнікамі Уладзіміра Зяленскага. Адпаведныя заявы кіраўнік дзяржавы зрабіў на сустрэчы з губернатарам Маскоўскай вобласці Андрэем Вараб'ёвым, перадае карэспандэнт БЕЛТА.

"Вось на гэтым месцы нядаўна былі прадстаўнікі Зяленскага. Я ім адкрыта сказаў: "Вы перадайце свайму Прэзідэнту: калі ён думае, што можна вось так з намі размаўляць і яшчэ ўцягнуць нас у вайну, то ён павінен разумець, што якасць вайны імгненна зменіцца. Гэта вайна будзе зусім іншая", - заявіў беларускі лідар.

"Дарэчы, мы атрымалі адказ: Прэзідэнт і яны гэта разумеюць. Таму давайце дамаўляцца. Трэба дамаўляцца сур'ёзна", - падкрэсліў Аляксандр Лукашэнка.

"Не трэба гарачыцца, не трэба крычаць, не трэба спрабаваць у морду па-руску ўдарыць і гэтак далей. Давайце па-чалавечы. Разумеючы, што такое Расія і што такое мы. Таксама разуменне ёсць", - заявіў Прэзідэнт.

Ён падкрэсліў, што Беларусі не трэба ўцягвацца ў вайну. "І не трэба нас падштурхоўваць да таго, што Барыс Вячаслававіч (пасол Расіі ў Беларусі Барыс Грызлоў. - Заўвага БЕЛТА) арганізоўвае працэс, каб нас уцягнуць у вайну. Мы з Прэзідэнтам Расіі тысячу разоў абмяркоўвалі гэту тэму. Ну як ваяваць супраць украінцаў тут, калі з таго боку тэрытарыяльныя войскі ў асноўным? Мы што, будзем гэтых механізатараў, даярак і рабочых (якія ўваходзяць у склад тэрытарыяльных войскаў. - Заўвага БЕЛТА) страляць, якія не хочуць ваяваць з беларусамі? Мы таксама не хочам з украінцамі ваяваць", - падкрэсліў Аляксандр Лукашэнка.

"Наша пазіцыя міралюбівая. Але ў любой сітуацыі мы будзем з Расіяй побач", - запэўніў кіраўнік дзяржавы.

"Мы гэтым вельмі даражым", - адзначыў у сувязі з гэтым губернатар Маскоўскай вобласці.

Аляксандр Лукашэнка прадоўжыў: "Інакш быць не можа! Мы разумеем, што можа быць, калі Захад зноў сюды ўлезе і пераможа. Я не гавару пра Украіну. Ну якая Украіна? Не пра Украіну размова! - падкрэсліў Прэзідэнт. - Мы разумеем, з кім мы ваюем сёння. Хочуць міру - давайце дамаўляцца па сутнасці. Нам вайна не патрэбна. Нам і зямель хапае, і эканомікі нашай хапае, і праблем хапае. Таму ніякай канфрантацыі".

"Я гэта гавару, каб вы разумелі маю пазіцыю. Я яе не ўтойваю. Мір і толькі мір. Але з поўнай гарантыяй, што яны не будуць з намі гуляцца і, як Пуцін кажа, чарговы раз не змогуць нас падмануць. Таму што падман Расіі - гэта, перш за ўсё, ударыць па Беларусі. Мы на пярэднім краі нашай Айчыны, мы гэта добра разумеем".

версія для друку

зрабіць стартавай

дабавіць у выбранае