Падзеі

Лукашэнка расказаў, куды зробіць першы афіцыйны візіт у выпадку перамогі на выбарах

26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка ў час размовы з журналістамі пасля галасавання на выбарчым участку расказаў, куды зробіць свой першы афіцыйны візіт у выпадку перамогі на выбарах, перадае карэспандэнт БЕЛТА.

"Мы з Уладзімірам Уладзіміравічам (Прэзідэнтам Расіі Уладзімірам Пуціным. - Заўвага БЕЛТА) нядаўна абмяркоўвалі гэту тэму: "Слухай, будзе дзіўным, калі я паеду куды-небудзь, а не ў Маскву" - "Аляксандр Рыгоравіч, мы заўсёды вас чакаем". Вось такая была размова. Зразумела, гэта будзе не проста дзіўна, гэта будзе незразумела для многіх. Таму я планую, што мы сустрэнемся з Прэзідэнтам Расіі ў Маскве і, як належыць афіцыйным візітам, правядзём адпаведныя кантакты і перагаворы", - адзначыў Аляксандр Лукашэнка, адказваючы на пытанне журналістаў.

"Я наогул афіцыёзу гэтага не люблю. Я люблю рабочыя сустрэчы: сустрэліся, пагаварылі (да ночы ў нас заўсёды гэтыя перагаворы зацягваюцца). Але гэта ж сігналы для грамадства. Таму я планую наведаць Расійскую Федэрацыю", - сказаў Прэзідэнт і тут жа дадаў, што гэта было правакацыйнае пытанне.

"Вось вы мяне справакавалі. А Стыў (журналіст ВВС Стыў Розенберг. - Заўвага БЕЛТА) цяпер скажа, што я ўжо ведаю, што выйграю. Стыў, гэта не я сказаў! - заявіў кіраўнік дзяржавы. - Я, напэўна, дарэмна засяродзіў на гэтым увагу, таму што Стыў прапусціў гэты момант. Добра, няхай гавораць. Усё роўна будуць гаварыць".

версія для друку

зрабіць стартавай

дабавіць у выбранае