Падзеі

Лукашэнка расказаў, чым небяспечная для Захаду і Украіны мабілізацыя рэсурсаў Расіі і Беларусі

Фота з архiва

8 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю амерыканскаму часопісу Time расказаў, чым небяспечная для Захаду і Украіны мабілізацыя рэсурсаў Расіі і Беларусі, паведамляе БЕЛТА.

"Вайна - гэта заўсёды мабілізацыя. Хочам мы гэтага, не хочам - гэта мабілізацыя людзей, мабілізацыя ўсіх сіл. Гэта напружанне. Мы не ўдзельнікі гэтай вайны. Мы не мабілізаваліся і не перанапружваліся. Але гэта вялікая небяспека, што недаацэньвае ваш Трамп і Амерыка перш за ўсё. Вялікая небяспека, што вы прыведзяце нас да таго, што мы будзем вымушаны як ваюючы бок мабілізавацца", - сказаў Аляксандр Лукашэнка.

Беларускі лідар прывёў у прыклад Другую сусветную вайну. Калі мабілізаваўся ўвесь Савецкі Саюз, вынік вайны быў прадвызначаны.

Паводле слоў Прэзідэнта, у Расіі і Беларусі дастаткова рэсурсаў для таго, каб мабілізавацца. У перыяд вядзення баявых дзеянняў гэта перш за ўсё ваенна-прамысловы комплекс. "Гэтага дабра ў нас хапае, і многае мы можам. Так, у вас у нейкай ступені, можа, больш перадавых ракет, яшчэ нечага. Але таго, што ёсць у нас, дастаткова для вядзення сучаснай вайны, ва Украіне - гэта дакладна, - заўважыў Аляксандр Лукашэнка. - Каб мы на каленях стаялі, гэтага няма і ніколі не будзе. Вы можаце давесці нас з Расіяй да мабілізацыі. Не трэба нас прымушаць мабілізавацца. Гэта 150 мільёнаў чалавек. Не трэба, каб яны мабілізаваліся".

Пры гэтым кіраўнік дзяржавы звярнуў увагу, што мабілізавацца можа не толькі эканоміка, але і свядомасць людзей, што намнога важней. "Калі так адбудзецца - усё. Вось тады гэта папахвае не толькі вайной ва Украіне. Таму што мы доўга запрагаем, але калі ўжо запрэглі, то хутка едзем. Не трэба да гэтага даводзіць. Таму я і амерыканцам, калі мы абмяркоўвалі гэту тэму, гаварыў: давайце дамовімся цяпер, давайце перастанем разыгрываць спектаклі, давайце зробім так (а вы, амерыканцы, можаце падштурхнуць працэс да гэтага), каб селі і дамовіліся не толькі аб перамір'і, але аб міры", - падкрэсліў беларускі лідар.

"Я бачу паводзіны Валодзі Зяленскага. Я не веру, што ён такі мужны герой. Яму ёсць куды бегчы. А куды ўкраінцы пабягуць, калі мы мабілізуемся? Цяпер такі момант і сітуацыя такая, што яна можа павярнуцца ў любы бок. А калі яна павернецца ў бок актывізацыі дзеянняў Расіі на фронце? Яна і так пакрыху рухаецца, вы гэта ведаеце", - канстатаваў Прэзідэнт Беларусі.

версія для друку

зрабіць стартавай

дабавіць у выбранае