Падзеі

Лукашэнка расказаў аб жаданні сустрэцца з Раулем Кастра і разам наведаць магілу Фідэля

Фота з архiва

30 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка расказаў аб жаданні сустрэцца з кубінскім палітычным і дзяржаўным дзеячам Раулем Кастра і разам наведаць магілу кубінскага рэвалюцыянера і былога лідара краіны Фідэля Кастра. Аб гэтым кіраўнік дзяржавы заявіў у Мінску ў час цырымоніі абмену падарункамі з Прэзідэнтам Кубы Мігелем Дыяс-Канелем Бермудэсам, які наведаў Беларусь з афіцыйным візітам, паведамляе БЕЛТА.

Кадры абмену падарункамі паказалі ў эфіры тэлеканала "Беларусь 1". Частка з іх - ад Рауля Кастра.

"Дзякуй вялікі. Хачу з Кастра сустрэцца і з'ездзіць да Фідэля з ім", - сказаў Прэзідэнт Беларусі.

"Ён цябе вельмі высока цэніць", - падкрэсліў у адказ кубінскі лідар.

У ліку падарункаў ад Аляксандра Лукашэнкі - шакалад і набор беларускай прадукцыі.

Мігель Дыяс-Канель Бермудэс таксама ў якасці падарунка кіраўніку беларускай дзяржавы прывёз у Мінск традыцыйную кубінскую прадукцыю. У тым ліку цыгары ў арыгінальнай упакоўцы ў выглядзе тыповага дома селяніна гэтай краіны. "Ведаю, што вы не курыце, але можаце прапанаваць сваім сябрам", - сказаў ён, падносячы падарунак.

"Не, я паспрабую", - нечакана адказаў Аляксандр Лукашэнка.

Яшчэ адзін падарунак Прэзідэнту Беларусі - традыцыйны кубінскі ром, які таксама з'яўляецца брэндам гэтай краіны.

"Што такое кубінскі ром, я ведаю, таму што Мігель мне некалі дарыў ром. Выдатны напітак!" - заўважыў Аляксандр Лукашэнка.

Прэзідэнт Кубы таксама падарыў беларускаму калегу кубінскія кашулі, зробленыя спецыяльна для гэтага візіту.

версія для друку

зрабіць стартавай

дабавіць у выбранае