Падзеі

Лукашэнка: Раман Пратасевіч - супрацоўнік беларускай разведкі

31 кастрычніка, Лепельскі раён /Кар. БЕЛТА/. Раман Пратасевіч, які лічыўся апазіцыянерам, з'яўляецца супрацоўнікам беларускай разведкі. Аб гэтым у час рабочай паездкі ў Віцебскую вобласць заявіў кіраўнік беларускай дзяржавы Аляксандр Лукашэнка, перадае карэспандэнт БЕЛТА.

Расказваючы аб сітуацыі вакол перапраўкі ў Літву цыгарэт з дапамогай метэазондаў, у чым абвінавачваюць Беларусь, Аляксандр Лукашэнка падкрэсліў, што апаненты за мяжой проста шукаюць прычыну, каб паспрабаваць "нахіліць" беларускі бок.

У сувязі з гэтым Аляксандр Лукашэнка прывёў адзін прыклад, калі супраць "Белавія" былі ўведзены санкцыі. Прычынай стала затрыманне апазіцыянера Рамана Пратасевіча разам з яго на той момант дзяўчынай. "Доўга расказваць не буду. Пратасевіч - гэта супрацоўнік нашай разведкі. Нам трэба было яго затрымліваць? А вось пытанне, чаму яны (рэйс Ryanair. - Заўвага БЕЛТА) у Вільнюс ляцелі, там не селі, а развярнуліся і ў Мінск прыляцелі, селі пасля званка, што ў іх на борце там нейкая ўзрыўчатка... Ну садзіцеся, вы ў Вільнюс ляцелі, над Вільнюсам былі - садзіцеся. Развярнуліся, прыляцелі ў Мінск. Селі ў Мінску. Я кажу: "Ну што, праводзьце аперацыю, ён жа пад прыкрыццём працаваў гэтых збеглых. Праводзьце аперацыю як трэба", - заявіў Прэзідэнт.

"Давялося нам аперацыю праводзіць па яго затрыманні. Хоць нам не трэба было яго затрымліваць. Ён прыехаў у Грэцыю, яго туды выклікалі, ён далажыў разведчыкам усё, што нас цікавіла, атрымаў заданне і ляцеў назад. Туды, дзе працаваў, праз Вільнюс. Нас абвінавацілі ў тым, што мы затрымалі апазіцыянера. А ён не наш апазіцыянер. Мы не затрымлівалі апазіцыянера. Вось увялі санкцыі", - сказаў кіраўнік дзяржавы.

версія для друку

зрабіць стартавай

дабавіць у выбранае