У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

16 Стд 2017

Лукашэнка прыме ўдзел у адкрыцці беларуска-егіпецкага дзелавога форуму ў Каіры

16 студзеня, Каір /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка прыме ўдзел у цырымоніі адкрыцця беларуска-егіпецкага дзелавога форуму, які пройдзе 16 студзеня ў Каіры, паведамляе карэспандэнт БЕЛТА.

На сёння таксама запланаваны сустрэчы кіраўніка дзяржавы з прэм'ер-міністрам Егіпта Шэрыфам Ісмаілам і старшынёй Палаты прадстаўнікоў Егіпта Алі Абдэль Алем.

Напярэдадні Аляксандр Лукашэнка правёў перагаворы з Прэзідэнтам Егіпта Абдэль Фатахам аль-Сісі. У час сустрэчы лідары дзвюх краін дамовіліся аб далейшым нарошчванні гандлёва-эканамічных сувязей, павелічэнні беларускага экспарту з улікам патрэбнасцей егіпецкага боку і наладжванні двухбаковай вытворчай кааперацыі з выкарыстаннем беларускіх тэхналогій і вопыту. Таксама была дасягнута дамоўленасць распрацаваць дарожную карту развіцця супрацоўніцтва.

Плануецца, што пасля афіцыйных мерапрыемстваў у Каіры Прэзідэнт Беларусі накіруецца з візітам у Судан, дзе правядзе перагаворы з Прэзідэнтам краіны Амарам Хасанам Ахмедам аль-Башырам, віцэ-прэзідэнтам Хасабу Абдэльрахманам і старшынёй Нацыянальнай асамблеі Ібрагімам Амерам.

На сустрэчах будуць абмяркоўвацца перспектывы і асноўныя напрамкі развіцця беларуска-суданскіх адносін, канкрэтныя захады па іх пашырэнні. Асаблівая ўвага будзе ўдзелена пытанням эканамічнага супрацоўніцтва. Чакаецца заключэнне шэрага дамоўленасцей аб развіцці ўзаемадзеяння ў розных сферах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс