У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

20 Снж 2019

Лукашэнка прыбыў у Санкт-Пецярбург, дзе прыме ўдзел у самітах ЕАЭС і СНД

Лукашэнка прыбыў у Санкт-Пецярбург, дзе прыме ўдзел у самітах ЕАЭС і СНД

20 снежня, Санкт-Пецярбург /Кар. БЕЛТА/. Прэзідэнт Беларусі Аляксандр Лукашэнка прыбыў з рабочым візітам у Расійскую Федэрацыю. Самалёт кіраўніка дзяржавы зрабіў пасадку ў аэрапорце Пулкава, перадае карэспандэнт БЕЛТА.

У Санкт-Пецярбургу кіраўнік дзяржавы прыме ўдзел у пасяджэнні Вышэйшага Еўразійскага эканамічнага савета, якое пройдзе ў вузкім і пашыраным складах. Лідары краін падвядуць вынікі развіцця інтэграцыйнага ўзаемадзеяння ў бягучым годзе, абмяркуюць існуючую праблематыку і перспектывы сумеснай работы ў наступны перыяд, у тым ліку з улікам пераходу Беларусі ў 2020 годзе старшынства ў ЕАЭС.

Як паведамляла прэс-служба Прэзідэнта Беларусі, у парадак дня пасяджэння ўключаны пытанні, якія датычацца стратэгічных напрамкаў развіцця еўразійскай эканамічнай інтэграцыі, назначэння старшыні і персанальнага складу Калегіі Еўразійскай эканамічнай камісіі (ЕЭК), вынікаў дзейнасці і асноўных падыходаў да фарміравання кадравага складу ЕЭК, а таксама шэрага іншых канкрэтных напрамкаў міждзяржаўнага ўзаемадзеяння.

Аляксандр Лукашэнка таксама прыме ўдзел у нефармальным саміце кіраўнікоў дзяржаў СНД, у ходзе якога будзе магчымасць абмеркаваць актуальны парадак дня ў дзейнасці Садружнасці.

Традыцыйна на пляцоўках самітаў чакаюцца сустрэчы Прэзідэнта Беларусі Аляксандра Лукашэнкі з замежнымі калегамі па тэматыцы двухбаковага супрацоўніцтва. У прыватнасці, плануецца прадоўжыць перагаворы з Прэзідэнтам Расіі Уладзімірам Пуціным на прадмет вырашэння пытанняў у сферы беларуска-расійскіх адносін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс