VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

10 Сак 2017

Лукашэнка: Пры аптымізацыі галоўнае - захаваць эфектыўнасць праваахоўнай сістэмы

10 сакавіка, Мінск /Міхаіл Маціеўскі - БЕЛТА/. Пры правядзенні аптымізацыі неабходна захаваць якасць функцыянавання праваахоўнай сістэмы. Аб гэтым Прэзідэнт Беларусі Аляксандр Лукашэнка заявіў сёння на нарадзе па выніках дзейнасці праваахоўных органаў у 2016 годзе і пытаннях аптымізацыі праваахоўнай і судовай сістэм, перадае карэспандэнт БЕЛТА.

"Гэты працэс ніякім чынам не павінен паўплываць на якасць функцыянавання праваахоўнай і судовай сістэм. Мы не павінны дапусціць, каб скарачэнне праваахоўнага блока прывяло да ўсплёску злачыннасці. Таму неабходна захаваць моцныя і збалансаваныя структуры, здольныя эфектыўна вырашаць існуючыя задачы", - падкрэсліў Аляксандр Лукашэнка.

Разам з тым кіраўнік дзяржавы адзначыў, што цяпер створаны спрыяльныя ўмовы для правядзення аптымізацыі. Гэта даволі моцныя праваахоўныя органы, якія маюць вопыт работы; аснашчаныя і падрыхтаваныя кадры; адбудаваная сістэма дзейнасці сілавога блока, якая дае станоўчыя вынікі, у тым ліку па зніжэнні ўзроўню злачыннасці ў краіне. "Беларусь увайшла ў дзясятку краін з найменшым узроўнем злачыннасці і высокім узроўнем бяспекі ў свеце. Таму цяпер мы можам гаварыць аб далейшым правядзенні аптымізацыі як аб прыярытэтным напрамку", - растлумачыў Прэзідэнт.

Аляксандр Лукашэнка таксама звярнуў увагу, што аптымізацыя не тоесная скарачэнню. "Нельга яе зводзіць да простага скарачэння штатаў, хоць лішніх людзей быць не павінна", - сказаў ён.

Лукашэнка - праваахоўнікам: трэба працаваць без дубліравання функцый і залішняй справаздачнасці

10 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка арыентуе праваахоўнікаў на ўстараненне дубліравання функцый і залішняй справаздачнасці. Аб гэтым кіраўнік дзяржавы заявіў сёння на нарадзе па выніках дзейнасці праваахоўных органаў у 2016 годзе і пытаннях аптымізацыі праваахоўнай і судовай сістэм, перадае карэспандэнт БЕЛТА.

"Перад усімі структурамі праваахоўнай сістэмы стаіць задача максімальнай скаардынаванасці дзеянняў. У гэтым плане яшчэ нямала праблем. Адна з іх - дубліраванне функцый. Кампетэнцыя кожнага органа павінна быць дакладна сфармулявана, каб не дапускаць двайнога тлумачэння", - заявіў Аляксандр Лукашэнка.

"Гэта не значыць, што калі ДФР (Дэпартамент фінансавых расследаванняў КДК. - Заўвага БЕЛТА) бачыць карупцыйную праяву, ён павінен прайсці міма, таму што гэта не яго работа. Не, так быць не павінна. Проста такія факты трэба перадаваць для расследавання спецыялістам, калі ў вас не хапае такіх спецыялістаў. Тут вельмі тонкая грань. Па вялікім рахунку, адзін за адным толькі хадзіць не трэба", - прывёў прыклад беларускі лідар.

Ён таксама даручыў і далей пазбаўляцца ад залішняй справаздачнасці, як гэта ўжо зрабілі ў органах пракуратуры, МУС. Актуальным крытэрыем ацэнкі работы праваахоўных органаў павінна быць не статыстыка, а аператыўнае рэагаванне на дынамічна зменлівую абстаноўку, выклікі і пагрозы, якія ўзнікаюць. "І такі падыход павінен быць у кожнага - ад кіраўніка да радавога выканаўцы", - падкрэсліў Прэзідэнт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход