Падзеі

Лукашэнка прапанаваў правесці наступную канферэнцыю па бяспецы ў фармаце "Еўразія плюс"

31 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка на ІІ Мінскай міжнароднай канферэнцыі па еўразійскай бяспецы прапанаваў правесці наступны такі форум у фармаце "Еўразія плюс", перадае карэспандэнт БЕЛТА.

Кіраўнік дзяржавы назваў цяперашняе мерапрыемства важным крокам, накіраваным на фарміраванне ўстойлівага свету. Ён таксама адрасаваў словы асаблівай удзячнасці ўсім удзельнікам форуму: "Я вопытны палітык (прабачце за нясціпласць) і ведаю, як збіраюцца на канферэнцыі. Калі б нейкая буйная дзяржава паклікала на канферэнцыю, я вам скажу, там мора людзей было б. А калі ў сярэднія або іншыя дзяржавы, то можна і не паехаць. Але вы прыехалі". Прэзідэнт падкрэсліў, што беларусы ўмеюць цаніць дабро і дабром на гэта адказваць.

"У наступным годзе хачу вас запрасіць на нашу сустрэчу, калі вы згодзіцеся, можа, у фармаце "Еўразія плюс", каб голас кожнай краіны, якая жадае ўнесці свой канструктыўны ўклад ва ўстанаўленне глабальнай бяспекі, быў пачуты", - сказаў Аляксандр Лукашэнка.

Паводле яго слоў, такі крок прызначаны стаць пачаткам новага палітычнага працэсу па мерах умацавання даверу, бяспекі і супрацоўніцтва, аналагічнага Хельсінкскаму, але адпавядаючага рэаліям сённяшняга дня, да чаго Беларусь неаднаразова заклікала міжнародную супольнасць.

версія для друку

зрабіць стартавай

дабавіць у выбранае