Падзеі

Лукашэнка пракаменціраваў непрыезд кіраўніцтва Арменіі на мерапрыемствы ЕАЭС

26 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка пракаменціраваў непрыезд кіраўніцтва Арменіі на мерапрыемствы ЕАЭС у Мінск. Адпаведныя заявы ён зрабіў на Еўразійскім эканамічным форуме, які папярэднічае саміту інтэграцыйнага аб'яднання, перадае карэспандэнт БЕЛТА.

"Вы ведаеце пра пазіцыю, дапусцім, Арменіі. Ну проста сёння кіўнуць: "Вось, не прыехалі, такія-сякія…" Гэта мы можам, гэта мы ўмеем. Але калі нешта здараецца, не можа быць вінаваты адзін бок. Нам трэба пашукаць прычыны і ў іншым. Чаму Арменія заняла такую пазіцыю? Напэўна, не ўсё ў нас тут у парадку. Адмахвацца ад гэтага нельга", - сказаў кіраўнік дзяржавы.

Як вядома, прэм'ер-міністр Арменіі Нікол Пашынян прыняў рашэнне ўдзельнічаць у мерапрыемствах у дыстанцыйным фармаце.

версія для друку

зрабіць стартавай

дабавіць у выбранае