Падзеі

Лукашэнка плануе наведаць у красавіку Кітай

1 сакавіка, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка плануе ў красавіку наведаць Кітай для ўдзелу ў другім форуме "Адзін пояс і адзін шлях". Аб гэтым кіраўнік дзяржавы заявіў сёння на сустрэчы з прадстаўнікамі грамадскасці і экспертнай супольнасці, беларускіх і замежных СМІ, перадае карэспандэнт БЕЛТА.

"Мы рыхтуемся наведаць гэта мерапрыемства, якое датычыцца Шаўковага шляху", - сказаў Аляксандр Лукашэнка. Ён расказаў, што ў час першага форуму "Адзін пояс і адзін шлях" кіраўнікі некалькіх дзяржаў, якія ўдзельнічалі ў ім, прапанавалі зрабіць гэта мерапрыемства рэгулярным, з чым і згадзіўся Сі Цзіньпін.

Прэзідэнт адзначыў, што ён атрымаў запрашэнне Старшыні КНР прыняць удзел у маючым адбыцца форуме ў красавіку бягучага года і даў на яго станоўчы адказ. "Мы прыедзем на яго, а потым, ужо ў чэрвені, сустрэнемся ў Бішкеку, на сесіі Шанхайскай арганізацыі супрацоўніцтва. У нас даволі шчыльны графік. Больш таго, прыадкрыю сакрэт: Сі Цзіньпін прапанаваў мне акрамя гэтага сустрэцца ў Пекіне". Як растлумачыў кіраўнік дзяржавы, папярэдне магчымасць такой двухбаковай сустрэчы прапрацоўвалася на сакавік, але гэтыя планы змяніліся ў сувязі з тым, што Аляксандр Лукашэнка прыедзе ў Кітай на красавіцкі форум.

"На гэтым этапе, у сувязі з умовамі, што змяніліся, сітуацыяй і вакол Беларусі, і асабліва вакол Кітайскай Народнай Рэспублікі, ёсць крайняя неабходнасць нам сустрэцца і пагаварыць аб тым, як у гэтых умовах мы будзем супрацоўнічаць", - заявіў кіраўнік дзяржавы.

У маі 2017 года Прэзідэнт Беларусі ўдзельнічаў у першым форуме "Адзін пояс і адзін шлях" сярод кіраўнікоў 29 дзяржаў і міжнародных арганізацый. На ім абмяркоўваліся шляхі паглыблення эканамічнага ўзаемадзеяння паміж дзяржавамі, якія ўваходзяць у Эканамічны пояс Шаўковага шляху, у прыватнасці фарміраванне транспартнага, энергетычнага і гандлёвага калідора паміж краінамі Азіі і Еўропы.

версія для друку

зрабіць стартавай

дабавіць у выбранае