30 мая, Мінск /Кар. БЕЛТА/. Кіраўнік беларускай дзяржавы Аляксандр Лукашэнка перавыбраны на чарговы тэрмін на пасаду Прэзідэнта Нацыянальнага алімпійскага камітэта Беларусі, перадае карэспандэнт БЕЛТА.
Першым віцэ-прэзідэнтам НАК выбраны заслужаны майстар спорту Андрэй Асташэвіч. Віцэ-прэзідэнтамі НАК сталі рэктар Беларускага дзяржаўнага ўніверсітэта фізічнай культуры, намеснік старшыні Беларускай федэрацыі гандбола Сяргей Рэпкін, старшыня асацыяцыі "Беларуская федэрацыя хакея" Сямён Шапіра.
У склад новага выканкама НАК таксама ўвайшлі Дзмітрый Баскаў, Валянцін Баравок, Дзмітрый Піневіч, Сяргей Румас, Іван Ціхан, Любоў Чаркашына, Юрый Шаўцоў, Алег Шэпель, Антон Юспа.
Удзельнікі Алімпійскага сходу выбралі ў ганаровыя члены Нацыянальнага алімпійскага камітэта вядомых у мінулым спартсменаў: трохразовага алімпійскага чэмпіёна па вольнай барацьбе Аляксандра Мядзведзя, алімпійскіх чэмпіёнаў па кіданні дыска Эліну Звераву і фехтавальшчыка Аляксандра Раманькова.
Абмеркаваны пытанні ўнясення змяненняў і дапаўненняў у статут НАК Беларусі, разгледжана справаздача рэвізійнай камісіі аб дзейнасці Нацыянальнага алімпійскага камітэта за перыяд 2013-2016 гадоў. Выбраны новы склад рэвізійнай камісіі НАК, у якую ўвайшлі Ігар Кацібнікаў, Уладзімір Амарын, Аляксей Афанасьеў, Інеса Паўлючык.
Алімпійскі сход НАК Беларусі прадаўжаецца, разглядаюцца пытанні аб выніках работы спартыўнай галіны ў алімпійскім цыкле 2013-2016 гадоў і задачах на 2017-2020 гады.
Упершыню Аляксандр Лукашэнка ўзначаліў НАК 15 мая 1997 года.