Падзеі

26 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Сахле-Ворк Зеўдэ з выбраннем на пасаду Прэзідэнта Эфіопіі. Аб гэтым БЕЛТА паведамілі ў прэс-службе беларускага лідара.

"Упэўнены, што дзейнасць на гэтай адказнай пасадзе будзе садзейнічаць паспяховаму развіццю і далейшаму працвітанню вашай дзяржавы", - гаворыцца ў віншаванні.

Аляксандр Лукашэнка таксама выказаў зацікаўленасць у пашырэнні плённага двухбаковага ўзаемадзеяння з Эфіопіяй у палітычнай, гандлёва-эканамічнай, навукова-тэхнічнай і іншых сферах.