Падзеі

Лукашэнка павіншаваў Сапрэзідэнта Нікарагуа Хасэ Даніэля Артэгу Сааведру з 80-гадовым юбілеем

Фота з архiва

11 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Сапрэзідэнта Нікарагуа Хасэ Даніэля Артэгу Сааведру з 80-гадовым юбілеем. Аб гэтым БЕЛТА паведамілі ў прэс-службе беларускага лідара.

"Ваша працяглая дзейнасць на карысць нікарагуанскага народа заслугоўвае шырокага прызнання. Цяжка пераацаніць Ваш асабісты ўклад у будаўніцтва моцнай і сацыяльна справядлівай дзяржавы", - гаворыцца ў віншаванні.

Прэзідэнт пацвердзіў нязменную прыхільнасць Беларусі да далейшага паглыблення двухбаковых адносін з Нікарагуа ў духу партнёрства і ўзаемнага даверу. "Перакананы, што сумеснымі намаганнямі мы здолеем цалкам рэалізаваць патэнцыял беларуска-нікарагуанскага супрацоўніцтва ў палітычнай, гандлёва-эканамічнай, навуковай, адукацыйнай і культурнай сферах", - падкрэсліў кіраўнік дзяржавы.

Аляксандр Лукашэнка пажадаў Хасэ Даніэлю Артэгу Сааведру добрага здароўя і значных поспехаў на адказнай дзяржаўнай пасадзе.

версія для друку

зрабіць стартавай

дабавіць у выбранае