Падзеі

Лукашэнка павіншаваў Радрыга Паса Перэйру з выбраннем на пасаду Прэзідэнта Балівіі

Фота з архiва

23 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Радрыга Паса Перэйру з выбраннем на пасаду Прэзідэнта Шматнацыянальнай Дзяржавы Балівія. Аб гэтым БЕЛТА паведамілі ў прэс-службе беларускага лідара.

"Ваша краіна з'яўляецца для Рэспублікі Беларусь добрым сябрам і перспектыўным партнёрам у Паўднёвай Амерыцы, з якім мы падтрымліваем канструктыўныя ўзаемапаважлівыя адносіны. Упэўнены ў значным патэнцыяле двухбаковага супрацоўніцтва ў гандлёва-эканамічнай, навукова-тэхнічнай, гуманітарнай і іншых сферах узаемнага інтарэсу, што можа быць паспяхова выкарыстана толькі сумеснымі намаганнямі і пры палітычнай падтрымцы абедзвюх дзяржаў", - гаворыцца ў віншаванні.

"Беларусь гатова да рэальнай актывізацыі плённага дыялогу з Балівіяй. Спадзяюся, што ў бліжэйшы час мы зможам надаць беларуска-балівійскім адносінам якасна новае напаўненне", - адзначыў Аляксандр Лукашэнка.

Прэзідэнт Беларусі пажадаў балівійскаму калегу здароўя, невычэрпнай энергіі і поспехаў на адказнай дзяржаўнай пасадзе, а дружалюбнаму народу Балівіі - міру і дабрабыту.

версія для друку

зрабіць стартавай

дабавіць у выбранае